ନୂଆଦିଲ୍ଲୀ: ଚାକିରୀ ଖଣ୍ଡିଏ ଆଜିର ଯୁବପିଢିଙ୍କ ପାଇଁ ସ୍ବପ୍ନ ପାଲଟିଥିବାବେଳେ IIT ବନାରସ ହିନ୍ଦୁ ୟୁନିଭର୍ସିଟିର (Indian Institute of Technology (BHU) Varanasi) ଜଣେ ଛାତ୍ର ୨ କୋଟିର ପ୍ୟାକେଜ ପାଇ ସମସ୍ତଙ୍କୁ ଚକିତ କରିଛନ୍ତି । ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି, IIT BHUର ଏହି ଛାତ୍ର ଜଣକ ପ୍ଲେସମେଣ୍ଟ ଡ୍ରାଇଭର ପ୍ରଥମ ଦିନରେ 2 କୋଟି ପ୍ୟାକେଜ୍ ସହ ଆମେରିକାର ସାନ ଫ୍ରାନ୍ସିସ୍କୋର ଉବେର ସଂସ୍ଥା ଦ୍ୱାରା ନିଯୁକ୍ତି ପାଇଛନ୍ତି ।
ଚଳିତ ବର୍ଷ IIT BHU ପ୍ଲେସମେଣ୍ଟ ଡ୍ରାଇଭ ଚାଲିଛି, 1000 ରୁ ଅଧିକ ଛାତ୍ର ଏଥିରେ ଭାଗ ନେଇଛନ୍ତି । ପ୍ଲେସମେଣ୍ଟର ପ୍ରଥମ ଦିନରେ ଆମେରିକାର ଉବେର ସଂସ୍ଥା ୫ ଜଣ ପିଲାଙ୍କୁ ଚୟନ କରିଛି । ସେମାନଙ୍କ ମଧ୍ୟରେ ଜଣେ ଛାତ୍ରଙ୍କୁ ୨.୫ କୋଟି ପ୍ୟାକେଜ ଦେଇଛି । ଏହି ଖବର ପ୍ରଚାର ହେବା ପରେ ସମସ୍ତେ ଏକ ପ୍ରକାର ଚକିତ ହୋଇଯାଇଛନ୍ତି । କାରଣ ଚାକିରୀ ପାଇଁ ଚିନ୍ତାଗ୍ରସ୍ତ ଥିବା ଆଜିର ଯୁବପିଢିଙ୍କ ପାଇଁ ଛାତ୍ର ଜଣକ ଉଦାହରଣ ସୃଷ୍ଟି କରିଛନ୍ତି ।