ନୂଆଦିଲ୍ଲୀ:ସାମ୍ବାଦିକ ପାଠ୍ୟକ୍ରମରେ ନାମ ଲେଖାଇବାକୁ ଭାରତୀୟ ଜନସଂଚାର ସଂସ୍ଥାନ Indian Institute of Mass Communication (IIMC) ପକ୍ଷରୁ ଅନୁଷ୍ଠିତ ହେବାକୁଯାଉଥିବା ପ୍ରବେଶିକା ପରୀକ୍ଷା ପାଇଁ ଆବେଦନର ଆଜି ଅର୍ଥାତ ଅଗଷ୍ଟ ୯ ଶେଷ ତାରିଖ । ସାମ୍ବାଦିକତାର ବିଭିନ୍ନ ବ୍ରାଞ୍ଚ୍ରେ ପିଜି ଡିପ୍ଲୋମା ପାଠ୍ୟକ୍ରମରେ ଆଡମିଶନ କରିବାକୁ ଇଚ୍ଛୁକ ଛାତ୍ରମାନେ 2021-22 ଏକାଡେମିକ୍ ସେସନ ପାଇଁ ଆବେଦନ କରିବାକୁ IIMC ଅଫିସିଆଲ ୱେବସାଇଟ (iimc.nta.ac.in) ଦେଖିପାରିବେ ।
ଜୁଲାଇ 20ରେ ଆଡମିଶନ ପ୍ରକ୍ରିୟା ଆରମ୍ଭ ହୋଇଥିଲା । ଆଇଆଇଏମସି ପ୍ରବେଶିକା ପରୀକ୍ଷା ଜାତୀୟ ପରୀକ୍ଷା ଏଜେନ୍ସି (NTA) ପକ୍ଷରୁ କରାଯିବ । ଛାତ୍ରଛାତ୍ରୀମାନଙ୍କୁ IIMC 2021 ପ୍ରବେଶିକା ପରୀକ୍ଷା ପାଇଁ ଆବେଦନ କରିବା ପୂର୍ବରୁ ଆଡମିଶନ ପୋର୍ଟାଲରେ ପଞ୍ଜିକରଣ କରିବାକୁ ପଡିବ ।