ସେନାକୁ ସଫଳତା: ଲସ୍କର ଆତଙ୍କୀ ଗିରଫ, ମାରଣାସ୍ତ୍ର ଜବତ

କଶ୍ମୀରର ବାରମୁଲ୍ଲାରୁ ଧରାପଡିଲା ଲସ୍କର ଆତଙ୍କୀ । ମାରଣାସ୍ତ୍ର ଜବତ । ସେନା ଓ ସ୍ଥାନୀୟ ପୋଲିସର ମିଳିତ ସର୍ଚ୍ଚ ଅପରେସନରେ ସଫଳତା । ଅଧିକ ପଢନ୍ତୁ

ଶ୍ରୀନଗର:ଜମ୍ମୁ କଶ୍ମୀର ବାରମୁଲ୍ଲା ଅଞ୍ଚଳରେ ଜଣେ ହାର୍ଡକୋର ଆତଙ୍କବାଦୀକୁ ଗିରଫ କରାଯାଇଛି । ସେନା ଓ ସ୍ଥାନୀୟ ପୋଲିସର ମିଳିତ ଟିମ ସର୍ଚ୍ଚ ଅପରେସନ ବେଳେ ଏହି ଆତଙ୍କୀକୁ ଗିରଫ କରିବାରେ ସକ୍ଷମ ହୋଇଛନ୍ତି । ତା ନିକଟରୁ ଗୋଟିଏ ପିସ୍ତଲ, ଗୋଟିଏ ମାଗାଜିନ,7 ରାଉଣ୍ଡ ଅଫୁଟା ଗୁଳି ମଧ୍ୟ ଜବତ କରାଯାଇଛି । ଗିରଫ ଆତଙ୍କବାଦୀର ନାମ ସ୍ପଷ୍ଟ କରିନି ପୋଲିସ ।

ଏକାଧିକ ଆକ୍ରମଣରେ ସମ୍ପୃକ୍ତ ଏହି ଆତଙ୍କୀ ପାକିସ୍ତାନରୁ ଅପରେଟ ହେଉଥିବା ଆତଙ୍କବାଦୀ ସଂଗଠନ ଲସ୍କର-ଏ-ତୋଇବା(LET)ର ସକ୍ରିୟ ସଦସ୍ୟ ବୋଲି ଜଣାପଡିଛି । ଘାଟିରେ ଏକାଧିକ ଆକ୍ରମଣରେ ସେ ସମ୍ପୃକ୍ତ ଥିଲା । ଅଧିକ ସୂଚନା ହାସଲ କରିବା ପାଇଁ ଆତଙ୍କୀଙ୍କୁ ଜେରା ଜାରି ରହିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ