ବାନ୍ଦିପୁରାରୁ ଦୁର୍ଦ୍ଦାନ୍ତ ଆତଙ୍କବାଦୀକୁ ଗିରଫ କଲା ସ୍ପେଶାଲ ଫୋର୍ସ

ଜମ୍ମୁ ଓ କାଶ୍ମୀରର ବାନ୍ଦିପୁରା ପାପଚାନ ଚେକ୍‌ ପଏଣ୍ଟରୁ ଜଣେ ଦୁର୍ଦ୍ଦାନ୍ତ ଆତଙ୍କବାଦୀକୁ ଗିରଫ କରିଛନ୍ତି ସୁରକ୍ଷାକର୍ମୀ । ଅଧିକ ପଢ଼ନ୍ତୁ

ଶ୍ରୀନଗର: ଜମ୍ମୁ ଓ କାଶ୍ମୀରର ବାନ୍ଦିପୁରା ପାପଚାନ ଚେକ୍‌ ପଏଣ୍ଟରୁ ଜଣେ ଦୁର୍ଦ୍ଦାନ୍ତ ଆତଙ୍କବାଦୀକୁ ଗିରଫ କରିଛନ୍ତି ସୁରକ୍ଷାକର୍ମୀ । ପୋଲିସ ଓ ସ୍ପେଶାଲ ଫୋର୍ସର ମିଳିତ ଉଦ୍ୟମରେ ଦୁର୍ଦ୍ଦାନ୍ତ ଆତଙ୍କବାଦୀ ମେହବୁବ୍‌-ଉନ୍‌-ଇନ୍‌ଲାମକୁ ଗିରଫ କରାଯାଇଛି । ବାନ୍ଦିପୁରା ଅଞ୍ଚଳରେ ଅନେକ ଆତଙ୍କୀ ହିଂସା କାର୍ଯ୍ୟକଳାପର ମାଷ୍ଟର ମାଇଣ୍ଡ ଥିଲା ମେହବୁବ୍‌-ଉନ୍‌-ଇନ୍‌ଲାମ ।

ଆଜି ବେଶ ବଦଳାଇ ମେହବୁବ୍‌-ଉନ୍‌-ଇନ୍‌ଲାମ ପାପଚାନ ଚେକ୍‌ ପଏଣ୍ଟରୁ ଖସି ଯିବାକୁ ଯୋଜନା କରିଥିଲା । ତେବେ ପୋଲିସ ଏହି ଯୋଜନାକୁ ପଣ୍ଡ କରିଛି । ଆତାଙ୍କବାଦୀ ନିକଟରୁ ୩ଟି AK-47 ରାଇଫଲ୍‌, ୧୦ଟି ମାଗାଜିନ୍‌, ୩୮୦ ରାଉଣ୍ଡ ଗୁଳି, ୨ କେଜି IED ବସ୍ଫୋରକ ପଦାର୍ଥ ଓ ଏକ ଚୀନ ଗ୍ରେନେଡ ଜବତ କରାଯାଇଛି । ଏହାକୁ ନେଇ ଜମ୍ମୁ ଓ କାଶ୍ମୀର ପୋଲିସ ସୂଚନା ଦେଇଛି ।