ମାଓ ଦମ୍ପତି ଗିରଫ ପରେ ବଡ ଖୁଲାସା, ଚା ବଗିଚାରେ ଚାଲିଥିଲା ମାଓବାଦୀଙ୍କ ନେଟୱାର୍କ

ମାଓବାଦୀ ନେତା କାଞ୍ଚନ ଡା (ଛଦ୍ମନାମ) ଗିରଫ ପରେ ବିଭିନ୍ନ ତଥ୍ୟ ସାମ୍ନାକୁ ଆସୁଛି । ଅଧିକ ପଢନ୍ତୁ

ଦିଶପୁର: ମାଓବାଦୀ ନେତା କାଞ୍ଚନ ଡା (ଛଦ୍ମନାମ) ଗିରଫ ପରେ ବିଭିନ୍ନ ତଥ୍ୟ ସାମ୍ନାକୁ ଆସୁଛି । ସୂଚନା ଅନୁଯାୟୀ, ଆସାମର ବାରାକ ଉପତ୍ୟକାର ବିଭିନ୍ନ ଚା’ ବଗିଚାରେ ମାଓବାଦୀଙ୍କ ଏକ ବିଶାଳ ନେଟୱାର୍କ ଗଠନ କରାଯାଇଛି । ଆଜି(ରବିବାର) ଏନଆଇଏ କରିମଗଞ୍ଜର ପଥରକାଣ୍ଡିର ସୋନାଖୀରାରୁ ଜଣେ ବିବାହିତ ଦମ୍ପତି ରାଜୁ ଓରଙ୍ଗ ଏବଂ ପିଙ୍କି ଓରଙ୍ଗଙ୍କୁ ଗିରଫ କରିଛି ।

ଖବର ମୁତାବକ, ଏନଆଇଏ ଟିମ୍ ସେମାନଙ୍କ ଘରେ ଚଢାଉ କରି ଲାପଟପ୍, ପେଣ୍ଟିଂ ପେନସିଲ, ବିଭିନ୍ନ କଟିଂ ଖବରକାଗଜ, ମାନଚିତ୍ର, ବହି ଯାହା ମାଓବାଦୀଙ୍କ ଚିନ୍ତାଧାରାକୁ ଆକର୍ଷିତ କରିପାରିବ, ଦୁଇଟି ମୋବାଇଲ୍ ଜବତ କରିଛି । ଏଥିସହ ଏନଆଇଏ ଏହି ଦମ୍ପତିଙ୍କୁ ପଚରାଉଚରା ପାଇଁ ନେଇଛି । ଜାଣିବାକୁ ମିଳୁଛି ଯେ, ମାଓବାଦୀଙ୍କ ଶୀର୍ଷ ନେତାମାନେ ବିଭିନ୍ନ ସମୟରେ ନିଜ ଘରକୁ ଆଶ୍ରୟସ୍ଥଳ ଭାବରେ ବ୍ୟବହାର କରିଥିଲେ । ରାଜୁଙ୍କ ପତ୍ନୀ ପିଙ୍କି ମାଓବାଦୀଙ୍କ ସହ ସିଧାସଳଖ ସମ୍ପର୍କରେ ଥିବା ଅଭିଯୋଗ ହୋଇଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ