ଭୋପାଳ: ସାମାନ୍ୟ ଘଟଣାରୁ ଚାଲିଗଲା ପତ୍ନୀଙ୍କ ଜୀବନ । ପତ୍ନୀଙ୍କ ଦୋଷ ଥିଲା ଅଭିଯୁକ୍ତ ସ୍ବାମୀଙ୍କ ମୁତାବକ ସେ ଚଟଣୀକୁ ସ୍ବାଦଯୁକ୍ତ କରିନଥିଲେ । ତେବେ ଏଭଳି ଅଭାବନୀୟ ଘଟଣା ଘଟିଛି ମଧ୍ୟପ୍ରଦେଶର ଦତିୟା ଜିଲ୍ଲାର ଗୋରାଘାଟ ଅଞ୍ଚଳରେ ଘଟିଛି ।
ଚଟଣୀ ହୋଇନଥିଲା ସ୍ବାଦିଷ୍ଟ, ସ୍ବାମୀ ଚୋଟରେ ଗଲା ପତ୍ନୀ ଜୀବନ
ଘଟଣା ଥିଲା ଏମିତି:-
ସମୟ ଥିଲା ସକାଳ ୭ଟା । ଅଭିଯୁକ୍ତ ସ୍ବାମୀ ପ୍ରତିଦିନ ପରି ସିଙ୍ଗଡା-କଚୋଡି ବିକ୍ରି କରିବା ପାଇଁ ବାହାରି ପଡିଥିଲା । ଆଉ ବିକ୍ରି କରିବା ପାଇଁ ଯିବା ପୂର୍ବରୁ ଚାଖି ଥିଲା ବିକ୍ରି ପାଇଁ ନେଇ ଯାଉଥିବା ଚଟଣୀ । ଚଟଣୀ ଅଭିଯୁକ୍ତ ମୁତାବକ ସ୍ବାଦିଷ୍ଟ ହୋଇନଥିବାରୁ ରାଗରେ ହୋଇଥିଲା ଜର୍ଜରିତ । ଆଉ ଅଭିଯୁକ୍ତ ଆନନ୍ଦ ଗୁପ୍ତାଙ୍କ ଏହି ରାଗର ଶିକାର ହୋଇଥିଲେ ପତ୍ନୀ ପ୍ରୀତି ଗୁପ୍ତା । ଆଉ କ୍ଷଣିକ ମଧ୍ୟରେ ଚାଲିଯାଇଥିଲା ପ୍ରୀତିଙ୍କ ଜୀବନ । ସାମାନ୍ୟ ଚଟଣୀଟି ସ୍ବାଦଯୁକ୍ତ ହୋଇନଥିବାରୁ ଦାଆରେ ଆକ୍ରମଣ କରି ପତ୍ନୀଙ୍କୁ ମାରି ଦେଇଥିଲା ସ୍ବାମୀ । ଆଉ ଘଟଣାସ୍ଥଳରେ ସଙ୍ଗେ ସଙ୍ଗେ ବୋହିଥିଲା ରକ୍ତର ସାଗର ।