ନୂଆଦିଲ୍ଲୀ: ଘୋଷଣା ହୋଇଛି ବିଜେପି ଜାତୀୟ କାର୍ଯ୍ୟକାରିଣୀ । ହେଲେ ପିଲିଭିତରୁ ସାଂସଦ ବରୁଣ ଗାନ୍ଧୀ ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀରୁ ହୋଇଛନ୍ତି ଆଉଟ । ସେହିପରି ବିଜେପି ବରିଷ୍ଠ ନେତା ତଥା ବରୁଣ ଗାନ୍ଧୀଙ୍କ ମା' ମେନକା ଗାନ୍ଧୀଙ୍କୁ ମଧ୍ୟ ରାଷ୍ଟ୍ରୀୟ କାର୍ଯ୍ୟକାରିଣୀରୁ ବାହାର କରିଦିଆଯାଇଛି । ଲଖିମପୁର ଖେରୀ ହିଂସା ଘଟଣାରେ ସରକାରଙ୍କ ବିରୋଧରେ ବୟାନ ଦେଇଥିଲେ ବରୁଣ ।
ଲଖିମୁର ଖେରୀ ହିଂସାରେ ସାମ୍ନାକୁ ଆସିଥିବା ନୂଆ ଭିଡିଓ ଟ୍ବିଟରରେ ସେୟାର କରିଥିଲେ ବରୁଣ । ବିରୋଧ କରୁଥିବା ଲୋକଙ୍କୁ ହତ୍ୟା କରି ସେମାନଙ୍କୁ ଚୁପ୍ କରିଦିଆଯାଇପାରିବ ନାହିଁ । ନିର୍ଦ୍ଦୋଶ ଚାଷୀଙ୍କ ରକ୍ତ ଝରାଇଥିବା ଲୋକଙ୍କୁ ଜବାବ ମାଗିବା ଦରକାର । ଚାଷୀଙ୍କ ମନରେ ସରକାରଙ୍କ ପ୍ରତି ଅହଙ୍ଗାକ ଓ କ୍ରୁରତାର ବାର୍ତ୍ତା ଯିବା ପୂର୍ବରୁ ନ୍ୟାୟ ହେବା ଉଚିତ ବୋଲି ଲେଖିଛନ୍ତି ବରୁଣ ।