ନୂଆଦିଲ୍ଲୀ:ଭାରତୀୟ ସଂସ୍କୃତିର ଅତୁଟ ଅଂଶ ହିନ୍ଦୀ ଭାଷା । ଯୁଗ ଯୁଗରୁ ସମଗ୍ର ଦେଶକୁ ଏକଜୁଟ କରିବାରେ ହିନ୍ଦୀର ଗୁରୁତ୍ବପୂର୍ଣ୍ଣ ଭୂମିକା ରହିଛି । ଆଜି ହିନ୍ଦୀ ଦିବସ । ଏହି ଅବସରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ଦେଶକୁ ଏକତାର ସୁତ୍ରରେ ବାନ୍ଧି ରଖିଛି ହିନ୍ଦୀ । ଦେଶବାସୀଙ୍କୁ ଏକଜୁଟ କରିବାରେ ହିନ୍ଦୀର ଗୁରୁତ୍ବପୂର୍ଣ୍ଣ ଭୂମିକା ରହିଛି ।
ହିନ୍ଦୀ ଦିବସ ଅବସରରେ ଏକ ବାର୍ତ୍ତା ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି, ''ଦୁନିଆର ସବୁଠୁ ବଡ ଗଣତନ୍ତ୍ର ଭାରତର ଭାଷାର ବିଭିଦତାକୁ ଏକତାର ସୁତ୍ରରେ ବାନ୍ଧି ରଖିବାର ନାମ ହେଉଛି ହିନ୍ଦୀ । ସ୍ବାଧୀନତା ଆନ୍ଦୋଳନଠୁ ନେଇ ଆଜି ଯାଏଁ ଦେଶକୁ ଏକତାର ସୁତ୍ରରେ ବାନ୍ଧିବାରେ ହିନ୍ଦୀର ମହତ୍ତ୍ବପୂର୍ଣ୍ଣ ଭୂମିକା ରହିଛି । ହିନ୍ଦୀ ଦିବସ ଅବସରରେ ରାଷ୍ଟ୍ରଭାଷା ହିନ୍ଦୀ ସହିତ ସମସ୍ତ ଭାରତୀୟ ଭାଷାକୁ ସଶକ୍ତ କରିବାକୁ ସଂକଳ୍ପ ନେବା ।''
ହିନ୍ଦୀ ଦିବସ ଅବସରରେ ସନ୍ଦେଶ ଦେଇ ସେ ଆହୁରି କହିଛନ୍ତି, ''ହିନ୍ଦୀ ଭାଷା ସ୍ବାଧୀନତା ଦିବସର କଠିନ ଦିନରେ ଦେଶକୁ ଏକତା ସୁତ୍ରରେ ବାନ୍ଧି ରଖିବାକ ଗୁରୁତ୍ବପୂର୍ଣ୍ଣ କାର୍ଯ୍ୟ କରିଛି । ଏହା ଅନେକ ଭାଷା କହୁଥିବା ଦେଶରେ ଏକତାର ଭାବନା ସ୍ଥାପନା କରିଛି । ପୂର୍ବରୁ ପଶ୍ଚିମ ଓ ଉତ୍ତରରୁ ଦକ୍ଷିଣ ଯାଏ ସ୍ବାଧୀନତା ଲଢେଇକୁ ଆଗକୁ ନେବାକୁ ସମ୍ବାଦ ଭାଷା ଭାବେ ହିନ୍ଦୀ କାର୍ଯ୍ୟ କରିଛି । ଦେଶର ପ୍ରକୃତ ପରିଚୟ କେବଳ ତାର ଭାଷା ଦ୍ବାରା ହିଁ ହୋଇଥାଏ । ନିଜ ଭାଷାର ଉନ୍ନତି ହିଁ ସବୁ ପ୍ରକାର ଉନ୍ନତିର ମୂଳ । ଆମର ସବୁ ଭାରତୀୟ ଭାଷା ଆମ ସଂସ୍କୃତିର ଅସ୍ତ୍ର ଯାହାକୁ ଆମକୁ ଏସ ସାଥୀରେ ନେଇ ଚାଲିବାକୁ ହେବ । ଆମର ସବୁ ଭାଷା ସଶକ୍ତ ହେଲେ ହିଁ ଗୋଟିଏ ସଶକ୍ତ ରାଷ୍ଟ୍ର ନିର୍ମାଣ ହେବ । ''