ହାଇଦ୍ରାବାଦ: ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ହେଲିକପ୍ଟର ଜରୁରୀ ଅବତରଣ କରିଛି । ଯାନ୍ତ୍ରିକ ତ୍ରୁଟି ଦେଖାଯିବା କାରଣରୁ ହେଲିକପ୍ଟରଟିକୁ ଅବତରଣ କରାଯାଇଛି । ଆଜି ସଂଧ୍ୟାରେ ଏହି ଘଟଣା ଘଟିଥିବା ବେଳେ ସମସ୍ତେ ସୁରକ୍ଷିତ ଥିବା ମଧ୍ୟ ସୂଚନା ମିଳିଛି ।
ମୁଖ୍ୟମନ୍ତ୍ରୀ ଚୌହାନ କୌଣସି କାର୍ଯ୍ୟକ୍ରମରେ ସାମିଲ ହେବା ପାଇଁ ମନଓ୍ବାରରୁ ଧର ଅଭିମୁଖେ ଉଡାଣ ଭରିଥିଲେ । ତେବେ ଟେକ-ଅଫ୍ର କିଛି ସମୟ ପରେ ହେଲିକପ୍ଟରରେ ଯାନ୍ତ୍ରିକ ତ୍ରୁଟି ନେଇ ପାଇଲଟ ଜାଣିବାକୁ ପାଇଥିଲେ । ଟେକ୍-ଅଫ୍ର ମାତ୍ର କିଛି ସମୟ ମଧ୍ୟରେ ପୁନଶ୍ଚଃ ହେଲିକପ୍ଟରଟି ମନଓ୍ବାର ଫେରିଆସି ସୁରକ୍ଷିତ ଅବତରଣ କରିଥିବାର ସୂଚନା ମିଳିଛି । ହେଲିକପ୍ଟରରେ ମୁଖ୍ୟମନ୍ତ୍ରୀ ଶିବରାଜଙ୍କ ସମେତ ଅନ୍ୟ କିଛି ଅଧିକାରୀ ଥିଲେ । ସମସ୍ତେ ସୁରକ୍ଷିତ ଅଛନ୍ତି ।