ହାଇଦ୍ରାବାଦ: ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ ପ୍ରବଳ ବର୍ଷା ହେବା ପରେ ଘଟିଛି ଅଘଟଣ । ରାତି ସମୟରେ ଘରକୁ ଫେରିବା ସମୟରେ ଡ୍ରେନରେ ପଡି ଭାସିଯାଇଛନ୍ତି ଜଣେ ଇଞ୍ଜିନିୟର । ତେବେ ପୋଲିସ ଖବର ପାଇବା ପରେ ତାଙ୍କୁ ଖୋଜୁଥିବା ସୂଚନା ମିଳିଛି । ଭାସି ଯାଇଥିବା ବ୍ୟକ୍ତି ଜଣକ ହେଉଛନ୍ତି ରଜନୀକାନ୍ତ । ସେ ଶାଦନଗର ଅଞ୍ଚଳରେ ଏକ କମ୍ପାନୀରେ ସଫ୍ଟୱେର ଇଞ୍ଜିନିୟର ଭାବେ କାର୍ଯ୍ୟ କରୁଥିଲେ । ଘଟଣାସ୍ଥଳରୁ ତାଙ୍କ ଘର ମାତ୍ର ୫୦ ମିଟର ଦୂରରେ ରହିଥିଲା । ତେବେ ସେ ରାତି ୯ଟା ସମୟରେ ଘରକୁ ଫେରୁଥିବା ସମୟରେ ଡ୍ରେନରେ ପଡିଯାଇ ଭାସିଯାଇଥିବା ଦେଖିବାକୁ ମିଳିଛି ।
ହାଇଦ୍ରାବାଦରେ ପ୍ରବଳ ବର୍ଷା, ଭାସିଗଲେ ଇଞ୍ଜିନିୟର
ମିଳିଥିବା ସୂଚନା ଅନୁସାରେ ରଜନୀକାନ୍ତ କୌଣସି କାମ ପାଇଁ ବଜାରକୁ ଯାଇଥିଲେ । ରାତି ପ୍ରାୟ ୯ଟା ସମୟରେ ପ୍ରବଳ ବର୍ଷା ଆରମ୍ଭ ହୋଇଥିଲା । ତେବେ ସେ କୌଣସି ଏକ ସ୍ଥାନରେ ବର୍ଷା କମିବା ପାଇଁ ଅପେକ୍ଷା କରିଥିଲେ । କିନ୍ତୁ ବର୍ଷା ନ କମିବା ପରେ ସେ ବାଧ୍ୟ ହୋଇ ଘରକୁ ଫେରିଥିଲେ । ତେବେ ଏହି ସମୟରେ ଏଭଳି ଅଘଟଣ ଘଟିଥିଲା ।