ଗୌହାଟି: ଆସାମରେ ପ୍ରକୃତିର କରାଳ ରୂପ । ବର୍ଷା ସାଙ୍ଗକୁ ଝଡ ଓ ବଜ୍ରପାତ ନେଲା ୧୪ଜଣଙ୍କ ଜୀବନ । ଏନେଇ ଆସାମର ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ସୂଚନା ଦେଇଛନ୍ତି । ଗତକାଲି(ଶନିବାର) ୮ଜଣଙ୍କର ମୃତ୍ୟୁ ହୋଇଥିବା ବେଳେ ଆଜି ୬ଜଣଙ୍କର ମୃତ୍ୟୁ ହୋଇଛି ।
ରାଜ୍ୟରେ ଏପ୍ରିଲ ୧୫ ତାରିଖରୁ ଅନେକ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି । ଫଳରେ ଅନେକ ଅଞ୍ଚଳର ଲୋକେ ଭୟଭୀତ ଅବସ୍ଥାରେ ରହିଛନ୍ତି । ଏପର୍ଯ୍ୟନ୍ତ ପ୍ରବଳ ବର୍ଷା ଯୋଗୁଁ ୫ହଜାର ୮୦୯ କଚ୍ଚା ଘର ଓ ୬୫୫ ପକ୍କା ଘର ମଧ୍ୟ କ୍ଷତି ଗ୍ରସ୍ତ ହୋଇଛି ଏବଂ ୮୫୩ଟି କଚ୍ଚା ଘର ଓ ୨୭ଟି ପକ୍କା ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ରାଜ୍ୟର ୧୨ ଜିଲ୍ଲାରେ ବର୍ଷା ଜାରି ରହିଛି ।