ଭୋପାଳ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋରେ ଫୁଲମାଳ । ଏଭଳି ଅବହେଳା ମଧ୍ୟପ୍ରଦେଶର ସତନା ଜିଲ୍ଲାର ଏକ ଟୀକାଦାନ କେନ୍ଦ୍ରରେ ଦେଖିବାକୁ ମିଳିଛି । ମୋଦିଙ୍କ ଫଟୋରେ ଫୁଲମାଳ ଦେଖି ହଠାତ୍ ଟିକା ନେବାକୁ ଆସିଥିବା ଲୋକମାନେ ଆଶ୍ଚର୍ଯ୍ୟଚକିତ ହୋଇପଡିଥିଲେ ।
ସ୍ବାସ୍ଥ୍ୟକର୍ମୀଙ୍କ ଅବହେଳା, ପ୍ରଧାନମନ୍ତ୍ରୀଙ୍କ ଫଟୋରେ ଚଢାଇଲେ ଫୁଲମାଳ
ମଧ୍ୟପ୍ରଦେଶରେ ଟୀକାକରଣର ମହାଅଭିଯାନ ଆରମ୍ଭ ହୋଇଛି । ସମସ୍ତ ରାଜ୍ୟବାସୀଙ୍କୁ ତୁରନ୍ତ ଟିକା ଯୋଗାଇବା ପାଇଁ ସରକାର ଉଦ୍ୟମ କରିଛନ୍ତି । ରାଜ୍ୟର ସତନା ଜିଲ୍ଲାରେ ଟୀକାକରଣ ପାଇଁ 247ଟି କେନ୍ଦ୍ର କରାଯାଇ ଜିଲ୍ଲାବାସୀଙ୍କୁ ଟିକା ଦିଆଯାଉଛି । ଟୀକାକରଣର ମହାଅଭିଯାନ ଆରମ୍ଭ ହୋଇଥିବାରୁ ସମସ୍ତ ଟିକାକେନ୍ଦ୍ରକୁ ଫୁଲମାଳରେ ସଜ୍ଜିତ କରାଯାଇଛି । ଏଥିଲାଗି ସ୍ବାସ୍ଥ୍ୟକର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଏହାରି ମଧ୍ୟରେ ସ୍ବାସ୍ଥ୍ୟକର୍ମୀଙ୍କ ଦ୍ବାରା ଏକ ବଡ ତୃଟି ହୋଇଯାଇଛି ।