ନୂଆଦିଲ୍ଲୀ:ଦେଶରେ ପୁଣି ମାଡିଲାଣି କୋରୋନା ସଂକ୍ରମଣ । ଦୈନିକ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ଘଟୁଥିବା ବେଳେ କିଛି ରାଜ୍ୟରେ ମଧ୍ୟ ସଂକ୍ରମଣ ଉପର ମୁହାଁ ରହିଛି । ଏହାକୁ ଦୃଷ୍ଟିରେ ରଖି ୯ଟି ରାଜ୍ୟର କୋରୋନା ସ୍ଥିତି ସମୀକ୍ଷା କରିଛନ୍ତି କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ । ଏହି ଉଚ୍ଚସ୍ଥରୀୟ ବୈଠକରେ ନୀତି ଆୟୋଗ ସଦସ୍ୟ ଡ. ଭିକେ ପାଲ ଉପସ୍ଥିତ ଥିଲେ।
9 ରାଜ୍ୟରେ ଧିମେଇଛି କୋରୋନା ଟେଷ୍ଟିଂ, କେନ୍ଦ୍ରର ଉଦବେଗ - ଧିମେଇଛି କୋରୋନା ଟେଷ୍ଟିଂ ଓ ଟୀକାକରଣ
ଦେଶରେ କୋରୋନା ସଂକ୍ରମଣ ବୃଦ୍ଧି ଘଟୁଥିବାରୁ ୯ଟି ରାଜ୍ୟର କୋରୋନା ସ୍ଥିତି ସମୀକ୍ଷା କଲେ କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ଓ ନୀତି ଆୟୋଗ ସଦସ୍ୟ ଡ. ଭିକେ ପାଲ । ଅଧିକ ପଢନ୍ତୁ ।
9ଟି ରାଜ୍ୟରେ ଧିମେଇଛି କୋରୋନା ଟେଷ୍ଟିଂ ଓ ଟୀକାକରଣ, ଉଦବେଗ ପ୍ରକାଶ କଲା କେନ୍ଦ୍ର
କେରଳ, ପଶ୍ଚିମବଙ୍ଗ, ତାମିଲନାଡୁ, ମହାରାଷ୍ଟ୍ର, ଆସାମ, ଆନ୍ଧ୍ରପ୍ରଦେଶ, ହିମାଚଳ ପ୍ରଦେଶ, ମିଜୋରାମ ଏବଂ ଅରୁଣାଚଳ ପ୍ରଦେଶରେ କମ କୋରୋନା ଟେଷ୍ଟିଂ ଏବଂ ଟୀକାକରଣ କରାଯାଉଥିବାରୁ ଏନେଇ କେନ୍ଦ୍ର ଉଦବେଗ ପ୍ରକାଶ କରିଛି । ଡ. ଭିକେ ପାଲ ଏହି ସବୁ ରାଜ୍ୟକୁ କହିଛନ୍ତି ଯେ, 'ଆମକୁ ମନେ ରଖିବାକୁ ହେବ ଯେ କୋଭିଡ ଏପର୍ଯ୍ୟନ୍ତ ଯାଇନାହିଁ, ବିଶ୍ବସ୍ତରରେ କୋରୋନା ସଂକ୍ରମଣକୁ ଦେଖିଲେ ଆମକୁ ସଜାଗ ରହିବାକୁ ପଡିବ । କମ କୋରୋନା ଟେଷ୍ଟିଂ ଓ ଟୀକାକରଣ ଯୋଗୁଁ ସଂକ୍ରମଣ ବୃଦ୍ଧି ଘଟୁଛି । ତେଣୁ ସଂକ୍ରମଣ ବୃଦ୍ଧି ଘଟୁଥିବା ରାଜ୍ୟ ଗୁଡିକରେ କୋରୋନା ଟେଷ୍ଟିଂ ଓ ଟୀକାକରଣକୁ ଅଧିକ ତ୍ବରାନ୍ବିତ କରିବାକୁ ପରାମର୍ଶ ଦେଇଛନ୍ତି ।
ସେହିପରି କୋରୋନା ସଂକ୍ରମିତ ହୋଇ ଯେଉଁ ମାନେ ଆଇସୋଲେନରେ ରହିଛନ୍ତି ସେମାନଙ୍କ ଉପରେ କଡା ନଜର ରଖିବାକୁ କୁହାଯାଇଛି । ଏଥି ସହ ଆଣ୍ଟିଜେନ ଟେଷ୍ଟିଂକୁ ବୃଦ୍ଧି କରିବାକୁ କେନ୍ଦ୍ର ସମସ୍ତ ରାଜ୍ୟକୁ କେନ୍ଦ୍ର ପରାମର୍ଶ ଦେଇଛି ।