ଚଣ୍ଡିଗଡ: ହରିୟାଣାର ଝାଜ୍ଜର ଜିଲ୍ଲାର ବାହାଦୂରଗଡରେ ଏକ ବଡ଼ ଧରଣର ସଡ଼କ ଦୁର୍ଘଟଣା । ଏଥିରେ ଗୋଟିଏ ପରିବାରର 8 ଜଣ ସଦସ୍ୟଙ୍କ ମୃତ୍ୟୁ ଘଟିଛି । ଜଣେ ଶିଶୁ ଆହତ ହୋଇଛି । ମୃତକଙ୍କ ମଧ୍ୟରେ ଜଣେ ନାବାଳିକାଙ୍କ ସମେତ 3 ଜଣ ମହିଳା ଅଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନାନୁସାରେ, ଏକ କାରରେ 11 ଜଣ ବ୍ୟକ୍ତି ଗୁରୁଗ୍ରାମ ଯାଉଥିଲେ । ଏହି ସମୟରେ ବାହାଦୁରଗଡର ବାଦଲି ଏବଂ ଫାରୁଖନଗର ମଧ୍ୟରେ କେଏମପି ଏକ୍ସପ୍ରେସୱେ ରାଜପଥରେ ଏକ ଦ୍ରୁତ ଗତିରେ ଆସୁଥିବା ଟ୍ରକ କାରକୁ ପଛ ପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ 8 ଜଣଙ୍କର ଶୋଚନୀୟ ମୃତ୍ୟୁ ଘଟିଛି । ଅନ୍ୟପଟେ ଦୁର୍ଘଟଣା ପରେ ଅଭିଯୁକ୍ତ ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର୍ ହୋଇଯାଇଛି ।