ନୂଆଦିଲ୍ଲୀ: ନୂଆ କେନ୍ଦ୍ରମନ୍ତ୍ରୀ ମଣ୍ଡଳ ଗଠନକୁ କଟାକ୍ଷ କଲେ କର୍ଣ୍ଣାଟକ କଂଗ୍ରେସ ମୁଖ୍ୟ ଡିକେ ଶିବକୁମାର । ପୂର୍ବତନ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀଙ୍କ ଇସ୍ତଫାକୁ ନେଇ ହର୍ଷବର୍ଦ୍ଧନଙ୍କୁ ଦାୟୀ କରିବା ସହ ଢିଲା କୋଭିଡ ପରିଚାଳନା ପାଇଁ ତାଙ୍କୁ ଇସ୍ତଫା ଦେବାକୁ ପଡିଛି ବୋଲି ସେ କହିଛନ୍ତି ।
ଗତକାଲି(ବୁଧବାର) ମୋଦିଙ୍କ ଡ୍ରିମ ଟିମ୍ ଗଠନ ହେବା ପୂର୍ବରୁ ନିଜ ପଦରୁ ଅର୍ଥାତ ସ୍ବାସ୍ଥ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ହର୍ଷବର୍ଦ୍ଧନ । ଏହାକୁ ନେଇ ଡିକେ ଶିବକୁମାର କହିଛନ୍ତି ଯେ, 'କେନ୍ଦ୍ର ସରକାର କୋଭିଡ ପରିଚାଳନାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି ବୋଲି ସ୍ବାସ୍ଥ୍ୟ ମନ୍ତ୍ରୀଙ୍କ ଇସ୍ତଫା ପ୍ରମାଣ କରୁଛି । ସାମ୍ବାଦିକ ସମ୍ମିଳନୀରେ ଡିକେ କହିଛନ୍ତି କୋଭିଡ ପରିଚାଳନାରେ ତ୍ରୁଟି ପାଇଁ ଅନ୍ୟକେହି ନୁହେଁ କେନ୍ଦ୍ର ଏବଂ ରାଜ୍ୟ ସରକାର ଦାୟୀ । ଜନସାଧାରଣଙ୍କ କଷ୍ଟ ପାଇଁ କେବଳ ସରକାର ହିଁ ଦାୟୀ ।'