ଡେରାଡୁନ: ସରଗରମ ହେଉଛି ଉତ୍ତରାଖଣ୍ଡ ନିର୍ବାଚନ । ପ୍ରଥମ ତାଲିକା ପ୍ରକାଶ ପରେ ଗତକାଲି ଦ୍ବିତୀୟ ତାଲିକାରେ ୧୧ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି କଂଗ୍ରେସ । ଚଳିତ ବିଧାନସଭା ନିର୍ବାଚନରେ ପୂର୍ବତନ ମୁଖ୍ୟମନ୍ତ୍ରୀ ହରିଷ ରାୱତ ରାମନଗର ବିଧାନସଭା ନିର୍ବାଚନମଣ୍ଡଳୀରୁ ପ୍ରାର୍ଥୀ ହୋଇଛନ୍ତି ।
ହରିଷ ରାୱତ ରାଜ୍ୟ କଂଗ୍ରେସର ମୁଖ୍ୟ ଥିବା ବେଳେ ୨୦୧୭ ବିଧାନସଭା ନିର୍ବାଚନରେ ହରିଦ୍ୱାର-ଗ୍ରାମୀଣ ଏବଂ କିଚା ବିଧାନସଭା ଆସନରୁ ପ୍ରାର୍ଥୀ ହୋଇ ପରାଜିତ ହୋଇଥିଲେ । ସେହିପରି କଂଗ୍ରେସ ଲାନ୍ସଡାଉନ୍ ବିଧାନସଭା ଆସନରୁ ହରାକ ସିଂ ରାୱତଙ୍କ ବୋହୂ ଅନୁକ୍ରିତି ଗୁସେନ୍ ରାୱତଙ୍କୁ ମଧ୍ୟ ପ୍ରାର୍ଥୀ କରିଛି। ସେ ଶୁକ୍ରବାର ଦିନ ବିଜେପି ଛାଡି କଂଗ୍ରେସରେ ସାମିଲ ହୋଇଥିଲେ ।