ଗାନ୍ଧୀନଗର: 2002 ମସିହାରେ ଗୁଜୁରାଟ ଗୋଧ୍ରାରେ ଟ୍ରେନ ପୋଡି ପରେ ହୋଇଥିବା ଦଙ୍ଗାରେ ତତ୍କାଳୀନ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦିଙ୍କୁ ଫସାଇବା ପାଇଁ ହୋଇଥିଲା ବଡ ଷଡଯନ୍ତ୍ର । ଏଥିରେ ସାମାଜିକ କାର୍ଯ୍ୟକର୍ତ୍ତା ତିସ୍ତା ସେତେଲବାଡ, ପୂର୍ବତନ ରାଜ୍ୟ ପୋଲିସ ମହାନିର୍ଦ୍ଦେଶକ (ଡିଜିପି) ଆର.ବି ଶ୍ରୀକୁମାର ଏବଂ ପୂର୍ବତନ ଆଇପିଏସ୍ ଅଧିକାରୀ ସଞ୍ଜୀବ ଭଟ୍ଟ ପ୍ରମୁଖ ନରେନ୍ଦ୍ର ମୋଦିଙ୍କୁ ଏହି ଘଟଣାରେ ଫସାଇବା ପାଇଁ ରାଜନୈତିକ ଉଦ୍ଦେଶ୍ୟରେ ବ୍ୟବହାର ହେବା ସହ ମୋଟା ଅଙ୍କର ଲାଞ୍ଚ ମଧ୍ୟ ନେଇଥିଲେ । ଏପରି ଏକ ଖୁଲାସା କରିଛି ଘଟଣାର ତଦନ୍ତ କରୁଥିବା ସ୍ବତନ୍ତ୍ର ତଦନ୍ତକାରୀ ସଂସ୍ଥା (SIT)।
SIT ନିଜ ସତ୍ୟପାଠରେ କହିଛି, ତତ୍କାଳୀନ କଂଗ୍ରେସ ସଭାନେତ୍ରୀ ସୋନିଆ ଗାନ୍ଧୀଙ୍କ ରାଜନୈତିକ ପରାମର୍ଶଦାତା ଅହମ୍ମଦ ପଟେଲଙ୍କ ଠାରୁ ଏହି ଅଭିଯୁକ୍ତମାନେ ମୋଟା ଅଙ୍କର ଲାଞ୍ଚ ଗ୍ରହଣ କରିଥିଲେ । ଏହି ଲାଞ୍ଚରାଶି ପ୍ରାୟ 30 ଲକ୍ଷ ଟଙ୍କା ହେବ । 2002 ଗୁଜରାଟ ଦଙ୍ଗା ପରେ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦିଙ୍କୁ ଘଟଣାରେ ସମ୍ପୃକ୍ତ ବୋଲି ଦର୍ଶାଇବା ସହ ତାଙ୍କ ସରକାରରେ ଅସ୍ଥିରତା ସୃଷ୍ଟି କରିବା ନେଇ ଏହି ଅଧିକାରୀ ଓ ସାମାଜିକ କର୍ମକର୍ତ୍ତା ଚେଷ୍ଟା କରିଥିଲେ ।