ଗାନ୍ଧୀନଗର/ଶିମଲା: ଆଜି ଆସିବ ଗୁଜୁରାଟ ଓ ହିମାଚଳ ପ୍ରଦେଶ ବିଧାନସଭା ନିର୍ବାଚନ ଫଳାଫଳ (Gujarat, Himachal Pradesh Election Results) । ଗୁଜୁରାଟର ୧୮୨ ଓ ହିମାଚଳର ୬୮ ବିଧାନସଭା ଆସନରେ ଭୋଟ ଗଣତି ହେବ । ସକାଳ ୮ଟାରୁ ଏହି ଗଣତି ଆରମ୍ଭ ହେବ । ବିଜେପି ଗୁଜୁରାଟରେ ଲଗାତାର ସପ୍ତମ ଥର ପାଇଁ କ୍ଷମତା ଦଖଲ କରିବାକୁ ଲକ୍ଷ୍ୟ ରଖିଛି । ଗୁଜୁରାଟରେ ଏକଜିଟ୍ ପୋଲ୍ ମଧ୍ୟ ବିଜେପି ସପକ୍ଷରେ ଯାଇଛି । ତେବେ ଏହି ରାଜ୍ୟରେ ସାଧାରଣତଃ ବିଜେପି ଓ କଂଗ୍ରେସ ମଧ୍ୟରେ ଟକ୍କର ହେଉଥିବା ବେଳେ ଏଥର ଏଠାରେ ଆପ୍ ମୈଦାନକୁ ଓହ୍ଲାଇଥିବାରୁ ଚଳିତ ଥର ତ୍ରିକୋଣୀୟ ଲଢେଇ ହେଉଛି । ସେପଟେ ହିମାଚଳ ପ୍ରଦେଶରେ ବିଜେପି ଓ କଂଗ୍ରେସ ମଧ୍ୟରେ କଡା ଟକ୍କର ହୋଇଥିବା କୁହାଯାଇଛି ।
ଗୁଜୁରାଟରେ ମୋଟ 182 ଆସନର ଭୋଟ ଗଣତି ପାଇଁ ମୋଟ 37କେନ୍ଦ୍ର ପ୍ରସ୍ତୁତ କରାଯାଇଛି । ଏହି କେନ୍ଦ୍ର ଗୁଡିକରେ ସୁରକ୍ଷା ଓ ଅନ୍ୟ ସମସ୍ତ ପ୍ରସ୍ତୁତି ଶେଷ କରିଛନ୍ତି ସମ୍ପୃକ୍ତ ସ୍ଥାନୀୟ ପ୍ରଶାସନ । ସକାଳ 8ଟାରୁ ଗଣତି ପ୍ରକ୍ରିୟା ଆରମ୍ଭ ହେବାକୁ ଯାଉଛି । ଫଳାଫଳ ଉପରେ ସାରା ଦେଶର ନଜର ରହିଛି ।