ଗାନ୍ଧୀନଗର:ଭୟଙ୍କର ସଡକ ଦୁର୍ଘଟଣା । ଆଖୁ ପିଛୁଳାକେ ଲିଭିଗଲା 10ଜଣଙ୍କ ଜୀବନ ଦୀପ । ଗୁଜୁରାଟର ଆନନ୍ଦ ଜିଲ୍ଲା ତାରାପୁର ନିକଟରେ ଘଟିଛି ଏକ ମର୍ମନ୍ତୁଦ ସଡକ ଦୁର୍ଘଟଣା । କାରକୁ ଏକ ଟ୍ରକ ଧକ୍କା ଦେବା ଫଳରେ 10ଜଣଙ୍କର ମୃତ୍ୟୁ ହୋଇଛି ।
ସୂଚନାଅନୁସାରେ, ଏକ କାରରେ ଗୋଟିଏ ପରିବାରର ଦଶଜଣ ଲୋକ ଭାଟାମାନ ଅଭିମୁଖେ ଯାଉଥିଲେ । ଏହି ସମୟରେ ସାମ୍ନା ପଟୁ ଦ୍ରୁତ ଗତିରେ ଆସୁଥିବା ଏକ ଟ୍ରକ କାରଟିକୁ ଧକ୍କା ଦେଇଥିଲା । ଫଳରେ କାରରେ ଥିବା ସମସ୍ତ ଦଶଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି ।