ମୁମ୍ବାଇ: ମହାରାଷ୍ଟ୍ରର କୋହ୍ଲାପୁର ଜିଲ୍ଲାରେ 10 ଜଣ ଶିକ୍ଷକ କୋରୋନାରେ ଆକ୍ରାନ୍ତ ହେବା ପରେ ସମସ୍ତ ସ୍କୁଲକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କରାଯାଇଛି । ତେବେ ଛାତ୍ରଛାତ୍ରୀମାନେ ଘରେ ରହି ଶିକ୍ଷା ଗ୍ରହଣ କରୁଥିବାରୁ ଅଭିଭାବକମାନେ ଶିକ୍ଷାନୁଷ୍ଠାନଗୁଡିକୁ ଅଧିକ ଅନଲାଇନ ଭିଡିଓ ମାଧ୍ୟମରେ ଶିକ୍ଷାଦାନ କରିବାକୁ ଦାବି କରିଛନ୍ତି ।
ଜିଲ୍ଲାରେ କୋରୋନା ମହାମାରୀର ସ୍ଥିତି ସୁଧୁରିବା ପରେ 370 ସ୍କୁଲକୁ ଖୋଲାଯାଇଥିବା ବେଳେ ଗତ 2 ଦିନ ମଧ୍ୟରେ 40 ଶିକ୍ଷାନୁଷ୍ଠାନ ଖୋଲାଯାଇଥିଲା । ମାତ୍ର ଶିକ୍ଷାନୁଷ୍ଠାନଗୁଡିକରେ ଶିକ୍ଷକମାନେ ସଂକ୍ରମିତ ହେବା ପରେ ପୁଣି ଏହାକୁ ବନ୍ଦ କରାଯାଇଛି । ମୋଟ 58 ଜଣ ଶିକ୍ଷକ କୋରୋନାରେ ଆକ୍ରାନ୍ତ ହୋଇଛନ୍ତି । ଶିକ୍ଷାନୁଷ୍ଠାନଗୁଡିକ ଖୋଲିବା ପରେ ନବମ, ଦଶମ ଓ ଦ୍ବାଦଶ ଶ୍ରେଣୀର ପ୍ରାୟ 23 ହଜାର ଛାତ୍ରଛାତ୍ରୀ ବିଦ୍ୟାଳୟକୁ ଶିକ୍ଷା ଗ୍ରହଣ କରିବା ପାଇଁ ଯାଉଥିବା ବେଳେ ଅଧିକାଂଶ ଛାତ୍ରଛାତ୍ରୀ ଘରେ ରହି ଅନଲାଇନ କ୍ଲାସ ମାଧ୍ୟମରେ ପାଠ ପଢୁଛନ୍ତି ।