ଡେରାଡୁନ:ସ୍ଥଗିତ ରହିଲା ଚାରିଧାମ ଯାତ୍ରା । ମହାମାରୀ କୋରୋନାକୁ ଦୃଷ୍ଟିରେ ରଖି ଏଭଳି ନିଷ୍ପତି ନିଆଯାଇଥିବା କହିଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତିରଥ ସିଂ ରାଓ୍ବତ । ଏନେଇ ଆଜି ଟ୍ବିଟ କରି ସୂଚନା ଦେବା ସହ ଭକ୍ତଙ୍କୁ ଘରେ ରହି ପ୍ରାର୍ଥନା କରିବାକୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ।
ସେ ଟ୍ବିଟ କରି କହିଛନ୍ତି ଯେ କୋଭିଡ-19 ମହାମାରୀ ହେତୁ ଚାରିଧାମ ଯାତ୍ରା ସାମୟିକ ଭାବେ ସ୍ଥଗିତ ରଖାଯାଇଛି । ମୁଁ ସମସ୍ତଙ୍କୁ ପ୍ରାର୍ଥନା କରୁଛି ଯେ ସମସ୍ତେ ଘରେ ରହି ଭଗବାନଙ୍କୁ ପ୍ରାର୍ଥନା କର । ତେବେ ମନ୍ଦିରରେ କେବଳ ରୀତିନୀତି ଅନୁଯାୟୀ ପୂଜା କରାଯିବ ଓ କୌଣସି ତୀର୍ଥଯାତ୍ରୀଙ୍କୁ ଅନୁମତି ଦିଆଯିବ ନାହିଁ ବୋଲି ସୂଚନା ଏବଂ ଲୋକ ସମ୍ପର୍କ ବିଭାଗ ତରଫରୁ କୁହାଯାଉଛି ।