ନୂଆଦିଲ୍ଲୀ:ଆଜି ନିଯୁକ୍ତି ନେଇ ବଡ ଘୋଷଣା କରିଛନ୍ତି କେନ୍ଦ୍ର ସରକାର । ଆଗାମି ଦେଢ ବର୍ଷ ମଧ୍ୟରେ ଦେଶରେ ବିଭିନ୍ନ କ୍ଷେତ୍ରରେ 10 ଲକ୍ଷ ଦେଶବାସୀ ନିଯୁକ୍ତି ପାଇବେ । ତେବେ ସରକାରଙ୍କ ଏପରି ଘୋଷଣାକୁ ନେଇ କଡା ସମାଲୋଚନା କରିଛନ୍ତି ପୂର୍ବତନ କଂଗ୍ରେସ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀ । ଇଡି କାର୍ଯ୍ୟାଳୟରୁ ଜେରା ପରେ ଫେରିଥିବା ରାହୁଲ ଘୋଷଣା ନେଇ ସମାଲୋଚନାପୂର୍ଣ୍ଣ ଟ୍ବିଟ କରିଛନ୍ତି । ମୋଦି ସରକାର ଜୁମଲା ନୁହେଁ ବରଂ ମହାଜୁମଲା ବୋଲି ରାହୁଲ କହିଛନ୍ତି ।
ଆଜି ପ୍ରଧାନମନ୍ତ୍ରୀ ଏକାଧିକ ବିଭାଗ ଓ ମନ୍ତ୍ରଣାଳୟ ସହ ଦେଢ ବର୍ଷ ମଧ୍ୟରେ ପ୍ରାୟ 10ଲକ୍ଷ ନିଯୁକ୍ତି ନେଇ ଆଲୋଚନା କରିଥିବା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଥିଲା । ଏହି କାର୍ଯ୍ୟକ୍ରମକୁ ମିଶନ ମୋଡରେ ସାରିବା ପାଇଁ ମଧ୍ୟ କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି । ଏକାଧିକ ବିଭାଗ ଓ କାର୍ଯ୍ୟାଳୟରେ ଖାଲି ପଡିଥିବା ପଦବୀ ସମେତ ଅନ୍ୟ କିଛି ନୂଆ ନିଯୁକ୍ତି ମଧ୍ୟ ସୃଷ୍ଟି କରାଯିବା ନେଇ ଲକ୍ଷ୍ୟ ଧାର୍ଯ୍ୟ କରାଯାଇଛି । ଏହା ପାଖାପାଖି 10 ଲକ୍ଷ ଲୋକଙ୍କୁ ନିଯୁ୍କ୍ତି ଯୋଗାଇବାରେ ସାହାଯ୍ୟ କରିବ ବୋଲି ପ୍ରଧାନମନ୍ତ୍ରୀ କାର୍ଯ୍ୟାଳୟ କହିଛି ।