ନୂଆଦିଲ୍ଲୀ:ଭାରତର ମୁଖ୍ୟ ବିଚାରପତି ଏସ୍ ବୋବଡେ ଅବସର ନେବା ପୂର୍ବରୁ ଏକ ମାସରୁ ଅଧିକ ସମୟ ବାକି ଥିବାବେଳେ ସରକାର ପରବର୍ତ୍ତୀ ସିଜେଆଇର ନିଯୁକ୍ତି ପ୍ରକ୍ରିୟା ଆରମ୍ଭ କରିଛନ୍ତି । ପ୍ରଧାନ ବିଚାରପତିଙ୍କୁ ତାଙ୍କ ଉତ୍ତରାଧିକାରୀଙ୍କୁ ସୁପାରିଶ କରିବାକୁ କହିଛନ୍ତି କେନ୍ଦ୍ର ସରକାର ।
ସର୍ବୋଚ୍ଚ ନ୍ୟାୟପାଳିକାର ସଦସ୍ୟଙ୍କ ନିଯୁକ୍ତିକୁ ପରିଚାଳନା କରୁଥିବା ସ୍ମାରକପତ୍ର ଅନୁଯାୟୀ, "ଭାରତର ମୁଖ୍ୟ ବିଚାରପତିଙ୍କ ନିଯୁକ୍ତି ସୁପ୍ରିମକୋର୍ଟର ବରିଷ୍ଠ-ବିଚାରପତିଙ୍କ ପରାମର୍ଶରେ ହୋଇଥାଏ । ଯେଉଁଥିରେ ଦର୍ଶାଯାଇଛି ଯେ ଆଇନ ମନ୍ତ୍ରୀ ଉପଯୁକ୍ତ ସମୟରେ ପରବର୍ତ୍ତୀ ପ୍ରଧାନ ବିଚାରପତି(CJI) ନିଯୁକ୍ତି ପାଇଁ ଭାରତର ବିଦାୟୀ ପ୍ରଧାନ ବିଚାରପତିଙ୍କ ସୁପାରିଶ ଲୋଡ଼ିବେ।