ପାନାଜୀ: ପର୍ଯ୍ୟଟକଙ୍କ ପାଇଁ ଖୋଲିଲା ଗୋଆ । କିନ୍ତୁ ଗୋଆରେ ବାହାର ରାଜ୍ୟରୁ ଆସୁଥିବା ପର୍ଯ୍ୟଚକଙ୍କ ପାଇଁ କୋଭିଡ ଭ୍ୟାକସିନର ୨ଟି ଡୋଜ ନେଇଥିବା ବାଧ୍ୟତାମୂଳକ କରାଯାଇଛି । ସେହିପରି ୨ଟି ଡୋଜ ନେଇ ନ ଥିବା ବ୍ୟକ୍ତି RT-PCR ନେଗେଟିଭ ରିପୋର୍ଟ ମାଧ୍ୟମରେ ମଧ୍ୟ ଗୋଆ ଭ୍ରମଣ ପାଇଁ ଅନୁମତି ପାଇପାରିବେ । ଏନେଇ ଗୋଆ ସରକାର ନିଷ୍ପତ୍ତି ନେଇଛନ୍ତି ।
ସେହିପରି ପର୍ଯ୍ୟଟନ ସ୍ଥାନରେ କୋଭିଡ କଟକଣାକୁ କଡାକଡି ଅନୁପାଳନ କରାଯିବାକୁ ନିର୍ଦ୍ଦେଶ ରହିଛି । ସର୍ବସାଧାରଣ ସ୍ଥାନରେ ଭିଡକୁ ଏଡାଇବା ସହ ସାମାଜିକ ଦୂରତାକୁ ଗୁରୁତ୍ବ, ଫେସ ମାସ୍କ ପରିଧାନକୁ ବାଧ୍ୟତାମୂଳକ କରାଯାଇଛି । ବାହାର ରାଜ୍ୟରୁ ଆସୁଥିବା ପର୍ଯ୍ୟଟକଙ୍କ ଭ୍ୟାକ୍ସିନେସନ ଓ RT-PCR ନେଗେଟିଭ ରିପୋର୍ଟ ବିନାରେ ଗୋଆରେ ପ୍ରବେଶ ଅନୁମତି ଦିଆଯାଉନାହିଁ ।