ଅଗରତାଲା: କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାର୍କ୍ସବାଦୀ) ବା CPI-M ଦଳର ଗଭୀର ରାଜନୈତିକ କାର୍ଯ୍ୟକଳାପକୁ ଲକ୍ଷ୍ୟ କରି ରାଜ୍ୟରେ ଏବେ ମଧ୍ୟ ଭୂତମାନେ ରହିଛନ୍ତି ବୋଲି ତ୍ରିପୁରା ମୁଖ୍ୟମନ୍ତ୍ରୀ ବିପ୍ଳବ କୁମାର ଦେବ କୁମାର କହିଛନ୍ତି । ତେବେ ସେ ରବିବାର ଧଲାଇ ଜିଲ୍ଲାର ମନୁଘାଟରେ ଏକ ନିର୍ବାଚନ ରାଲିରେ ଏଭଳି ମନ୍ତବ୍ୟ ଦେଇଛନ୍ତି ।
ସେ ଏହି ନିର୍ବାଚନ ରାଲିରେ କହିଛନ୍ତି,"ଦଳର ରାଜ୍ୟ ସ୍ତରୀୟ ନେତାମାନେ ଭାବିବା ଉଚିତ ନୁହେଁ ଯେ ସିପିଆଇ-ଏମ ରାଜ୍ୟରେ ନିଜର ଅସ୍ତିତ୍ୱ ହରାଇଛି । ସେମାନେ ମନେ ରଖିବା ଉଚିତ୍ ଯେ ଭୂତମାନେ କଦାପି ମରନ୍ତି ନାହିଁ ।" ରବିବାର ବାମପନ୍ଥୀ ଦଳକୁ ଆକ୍ରମଣ କରି ମୁଖ୍ୟମନ୍ତ୍ରୀ କହିଛନ୍ତି ଯେ ସ୍ୱୟଂଶାସିତ ଜିଲ୍ଲା ପରିଷଦ (ଏଡିସି) ପାଇଁ ପୂର୍ବ ସରକାରଙ୍କ ପାଖରେ ମଧ୍ୟ ଉପଯୁକ୍ତ ବଜେଟ୍ ନାହିଁ । ଦୀର୍ଘ ଦିନ ଧରି ରାଜ୍ୟରେ ବାମପନ୍ଥୀ କ୍ଷମତାରେ ଥିଲେ ମଧ୍ୟ ରାଜ୍ୟରେ କୌଣସି ବିକାଶ ହୋଇପାରି ନାହିଁ ବୋଲି ସେ ଏହି ନିର୍ବାଚନ ରାଲିରେ କହିଛନ୍ତି ।