ପାଟନା:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ୧୩ ତାରିଖରେ ଗଙ୍ଗା ବିଳାସ କ୍ରୁଜକୁ ସବୁଜ ପତାକା ଦେଖାଇ ଏହାର ଶୁଭାରମ୍ଭ କରିଥିଲା । ଏହି କ୍ରୁଜ ମାଧ୍ୟମରେ ପର୍ଯ୍ୟଟକ ଦୀର୍ଘତମ ନଦୀ ଯାତ୍ରା କରିବାର ସୁଯୋଗ ପାଇଥିଲେ । ତେବେ ଯାତ୍ରା ଆରମ୍ଭର ମାତ୍ର ୩ଦିନ ପରେ ମଝି ନଦୀରେ ଅଟକିଛି କ୍ରୁଜ । କମ ପାଣି ଥିବାରୁ ଏହି ବିଳାସମୟ କ୍ରୁଜଟି ବିହାର ଛପରାଠାରେ ଅଟକିଥିଲା । ବାରଣାସୀରୁ ଯାତ୍ରା ଆରମ୍ଭ କରିଥିବା କ୍ରୁଜ ଆଜି ବିହାରର ଚିରାନ୍ଦ ପ୍ରତ୍ନତାତ୍ତ୍ବିକ ସ୍ଥାନ ଭ୍ରମଣ ଯୋଜନା ରହିଥିଲା । ମାତ୍ର କମ ପାଣି ଯୋଗୁଁ କୂଳ ପର୍ଯ୍ୟନ୍ତ କ୍ରୁଜ ନ ଆସିପାରିବା ପରେ ବୋଟରେ ପର୍ଯ୍ୟଟକଙ୍କୁ କୂଳ ପର୍ଯ୍ୟନ୍ତ ଅଣାଯାଇଥିଲା ।
କ୍ରୁଜ କୂଳ ପର୍ଯ୍ୟନ୍ତ ନ ଆସିପାରିବା ଫଳରେ ବୋଟ ମାଧ୍ୟମରେ ପର୍ଯ୍ୟଟକଙ୍କୁ କୂଳ ପର୍ଯ୍ୟନ୍ତ ଅଣାଯାଇଥିଲା । ଏହାପରେ ପର୍ଯ୍ୟଟକମାନେ ଉକ୍ତ ଐତିହାସିକ ସ୍ଥାନକୁ ବୁଲି ଦେଖିଥିଲେ । କ୍ରୁଜ ଏହି ସ୍ଥାନରେ ପହଞ୍ଚିବା ପରେ ଏଠାକାର ସ୍ଥାନୀୟବାସିନ୍ଦା ବାଜା ବାଣ ସହିତ ପର୍ଯ୍ୟଟକଙ୍କୁ ସ୍ବାଗତ କରିଥିଲେ । ଏହା ପରେ ସମସ୍ତ ପର୍ଯ୍ୟଟକ କ୍ରୁଜକୁ ଫେରି ଆସିଥିଲେ । ଏମଭି ଗଙ୍ଗା ବିଳାସର ପ୍ରଥମ ଯାତ୍ରାରେ ସ୍ବିଜରଲ୍ୟାଣ୍ଡର ୩୨ ପର୍ଯ୍ୟଟକ ବାରାଣାସୀରୁ ଦିବ୍ରୁଗଡ ଯାତ୍ରାକୁ କରିବେ । ତେବେ ଏହି 32 ଜଣ ସ୍ୱିଜରଲ୍ୟାଣ୍ଡର ପର୍ଯ୍ୟଟକ ଦିନକୁ 25ରୁ 50 ହଜାର ଖର୍ଚ୍ଚ କରୁଥିବା ଜଣାପଡିଛି । ଏହାପୂର୍ବରୁ, ଯେତେବେଳେ ଏମଭି ଗଙ୍ଗା ବିଳାସ କ୍ରୁଜ୍ ଛପରାସ୍ଥିତ ଡୋରିଗଞ୍ଜ ଚିରାନ୍ଦ ଘାଟ ସମ୍ମୁଖକୁ ଯାଇଥିଲା ସେତେବେଳେ ଲୋକମାନେ ନିଜ ଷ୍ଟାଇଲରେ ପର୍ଯ୍ୟଟକଙ୍କୁ ସ୍ବାଗତ କରିଥିଲେ।