ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଜି-୨୦ ସମ୍ମିଳନୀରେ ମହିଳା ସଶକ୍ତିକରଣ ନେଇ ଆଲୋଚନା କରିଛନ୍ତି । ଏହି ଦିଗରେ ଜି-୨୦ ବଡ଼ ଭୂମିକା ଗ୍ରହଣ କରିପାରିବ ବୋଲି ମୋଦି କହିଛନ୍ତି । ଜି-୨୦ ସମ୍ମିଳନୀକୁ ମୋଦି ସମ୍ବୋଧିତ କରି କହିଛନ୍ତି ଯେ ମାନବ ସମାଜକୁ ଆହୁରି ସଶକ୍ତ କରିବା ଏବଂ ପୃଥିବୀକୁ ଅଧିକ ସ୍ଥାୟୀ କରିବା ଦିଗରେ ସାମୂହିକ ଭାବରେ ଚିନ୍ତା କରିବା ଲାଗି ସେ ଆହ୍ବାନ କରିଛନ୍ତି । ଏହାସହ ଭାରତୀୟ ନାଗରିକଙ୍କ ଜୀବନରେ ସକରାତ୍ମକ ପରିବର୍ତ୍ତନ ଆଣିବା ପାଇଁ ଟେକ୍ନୋଲୋଜିର ବ୍ୟବହାର ବିଷୟରେ ମଧ୍ୟ ମୋଦି ବୈଠକରେ ଉଲ୍ଲେଖ କରିଛନ୍ତି ।
ବୈଠକ ସମ୍ପର୍କରେ ସୂଚନା ଦେଇ ପ୍ରଧାନମନ୍ତ୍ରୀ ମୋଦି ଟ୍ବିଟ କରି କହିଛନ୍ତି, " 'ଗୋଟିଏ ପରିବାର' ଚିନ୍ତାଧାରା ଅନୁସାରେ ଯୁବପୀଢିଙ୍କ ବୌଦ୍ଧିକ ଓ ଦକ୍ଷତା ବିକାଶ ଉପରେ ଧ୍ୟାନ କେନ୍ଦ୍ରିତ କରିବା ଦିଗରେ ଆଲୋଚନା ହୋଇଛି । ସାମଗ୍ରିକ ସ୍ବାସ୍ଥ୍ୟ ଏବଂ ଉନ୍ନତି ପାଇଁ ଭାରତ ସର୍ବଦା ପ୍ରତିବଦ୍ଧ । ମହିଳା ସଶକ୍ତିକରଣରେ G20 ମଧ୍ୟ ଏକ ପ୍ରମୁଖ ଭୂମିକା ଗ୍ରହଣ କରିପାରିବ। ଆମ ନାଗରିକଙ୍କ ଜୀବନରେ ସକରାତ୍ମକ ପରିବର୍ତ୍ତନ ଆଣିବା ପାଇଁ ଟେକ୍ନୋଲୋଜି କିପରି ବ୍ୟବହାର କରାଯାଇଛି ତାହାର ଉଦାହରଣ ଦିଆଯାଇଛି ।"
ଏହା ବି ପଢନ୍ତୁ- G20 Delhi Declaration on Ukraine war: 'ପରମାଣୁ ଅସ୍ତ୍ରଶସ୍ତ୍ରର ଉପଯୋଗ ଓ ଧମକ ଗ୍ରହଣୀୟ ନୁହେଁ'
ଦିଲ୍ଲୀରେ ଅନୁଷ୍ଠିତ ଜି-୨୦ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି ଭାରତର ପ୍ରତିନିଧିତ୍ବ କରିଥିଲେ । ଏହାସହିତ ପ୍ରଧାନମନ୍ତ୍ରୀଙ୍କ ଆଗରେ ରଖାଯାଇଥିବା ନେମପ୍ଲେଟ ସମ୍ମୁଖରେ ଭାରତ ଲେଖାଯାଇଥିଲା । ମୋଦି ୫୫ ଦେଶର ସମୂହ ଆଫ୍ରିକୀୟ ସଂଘକୁ ସ୍ବାଗତ କରିଥିଲେ । ଏ ନେଇ ପ୍ରଧାନମନ୍ତ୍ରୀ ମୋଦି କହିଥିଲେ, " ମୁଁ ଜି-୨୦ ପରିବାରରେ ସ୍ଥାୟୀ ସଦସ୍ୟ ଭାବେ ଆଫ୍ରିକୀୟ ସଂଘ ସ୍ବାଗତ କରି ସମ୍ମାନିତ ଅନୁଭବ କରୁଛି । ଏହାଦ୍ବାରା ଜି-୨୦ ଆହୁରି ମଜବୁତ ହେବ ଏବଂ 'ଗ୍ଲୋବାଲ ସାଉଥ' ସ୍ବର ଅଧିକ ମଜବୁତ ହେବ । "
ଏହା ବି ପଢନ୍ତୁ- G20 Dinner: ଭାରତୀୟ ଆଭୂଷଣରେ ଆସିଲେ ଜାପାନ ପ୍ରଧାନମନ୍ତ୍ରୀଙ୍କ ପତ୍ନୀ
ଜି-୨୦ରେ ସାମିଲ ହେବା ପରେ ଆଫ୍ରିକୀୟ ସଂଘ ପକ୍ଷରୁ ଖୁସିବ୍ୟକ୍ତ କରିଯାଇଛି । ଆଫ୍ରିକୀୟ ସଂଘର ଜି୨୦ ସଦସ୍ୟ ଟ୍ବିଟରରେ ଏ ନେଇ ପୋଷ୍ଟ କରି କହିଛନ୍ତି ଯେ ଦେଶ ଆଶା କରିଥିଲା ଯେ ଜି-୨୦ ଶିଖର ସମ୍ମିଳନୀ ସମୟରେ ଏୟୁ ଏଥିରେ ସାମିଲ ହେବ । ଏହା ଦେଶର ବିକାଶ ଦିଗରେ ମଧ୍ୟ କାମ କରିବ । ଏହାସିହତ ଜି-୨୦ ସମ୍ମିଳନୀ ମାଧ୍ୟମରେ ଦେଶ ବିଶ୍ବର ଅନ୍ୟ ରାଷ୍ଟ୍ର ସହିତ ସୁସମ୍ପର୍କ ଓ ଯୋଗାଯୋଗ ସ୍ଥାପନ କରିପାରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
