ମୁମ୍ବାଇ:ପଞ୍ଜାବୀ ଗାୟକ ତଥା କଂଗ୍ରେସ ନେତା ସିଦ୍ଧୁ ମୁସେଓ୍ବାଲା ହତ୍ୟାକାଣ୍ଡରେ ସାମିଲ ଜଣେ ଫେରାର ସାର୍ପ ସୁଟରକୁ ପୁଣେରୁ ଗିରଫ କରିଛି ପୋଲିସ । ସାର୍ପ ସୁଟରର ନାମ ସୌରଭ ମହାକାଲ ଓ ସେ ହତ୍ୟାକାଣ୍ଡ ପରେ ଫେରାର ଥିବା ପୋଲିସ କହିଛି । ତାକୁ ଚିହ୍ନଟ ପରେ ଗିରଫ ଉଦ୍ୟମ ଜାରି ରହିଥିଲା । ଆଜି (ବୁଧବାର) ପୁଣେ ରୁରାଲ ପୋଲିସ ତାକୁ ଗିରଫ କରିବାରେ ସକ୍ଷମ ହୋଇଛି ।
ପଞ୍ଜାବର ମାନସା ଜିଲ୍ଲାରେ ଏହି ହତ୍ୟାକାଣ୍ଡ ଘଟିଥିଲା । ଏକାଧିକ ସାର୍ପ ସୁଟର ଏହି ହତ୍ୟାକାଣ୍ଡକୁ ରୂପ ଦେବା ପରେ ଘଟଣାସ୍ଥଳରୁ ଫେରାର ହୋଇ ଯାଇଥିଲେ । ମାମଲାରେ ପୋଲିସ ଏକାଧିକ ସହଯୋଗୀଙ୍କୁ ଗିରଫ କରିଥିଲା । ସାର୍ପ ସୁଟରମାନେ ଭିନ୍ନଭିନ୍ନ ରାଜ୍ୟରୁ ଆସିଥିବା ସନ୍ଦେହ କରିଥିଲା ପୋଲିସ । ତେବେ ଆଜି ପୂର୍ବ ସୂଚନା ଅନୁସାରେ ପୁଣେରୁ ଜଣେ ସାର୍ପ ସୁଟରକୁ ଗିରଫ କରାଯାଇଛି । ଅଭିଯୁକ୍ତ ପୁଣେ ସହରର ସ୍ଥାନୀୟ ବାସିନ୍ଦା ହୋଇଥିବା ଜଣାପଡିଛି ।