ଜୟପୁର: ରାଜସ୍ଥାନର ପୂର୍ବତନ ଅର୍ଥମନ୍ତ୍ରୀ ମାଣିକ ଚାନ୍ଦ ସୁରନାଙ୍କ ବୁଧବାର ଜୟପୁରରେ ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ 79 ବର୍ଷ ବୟସ ହୋଇଥିଲା । ତାଙ୍କ ପୁଅ ଜିତେନ୍ଦ୍ର ସୁରନାଙ୍କ ସୂଚନା ଅନୁୟାୟୀ ପରମ୍ପରା ମୁତାବକ ତାଙ୍କର ଅନ୍ତିମ ସଂସ୍କାର କରାଯିବ ।
ମାଣିକ ଚାନ୍ଦ ସୁରନା ରାଜସ୍ଥାନର ଡୁଙ୍ଗର କଲେଜର ଛାତ୍ର ସଂସଦ ସଭାପିତ ଭାବେ ନିର୍ବାଚିତ ହୋଇ ଛାତ୍ର ରାଜନୀତି ଆରମ୍ଭ କରିଥିଲେ । ପରେ ସେ ମୁଖ୍ୟସ୍ରୋତ ରାଜନୀତିକୁ ଆସି ନିଜ ରାଜନୈତିକ କ୍ୟାରିଅର ଆରମ୍ଭ କରିଥିଲେ । 1977 ମସିହାରେ ସେ ଲଙ୍କାରନସର ଆସନରୁ ପ୍ରଥମେ ଜନତା ପାର୍ଟିର ଟିକେଟରେ ବିଧାୟକ ଭାବେ ନିର୍ବାଚିତ ହୋଇଥିଲେ । ପୁନର୍ବାର 1985 ରେ ମଧ୍ୟ ବିଧାୟକ ଭାବରେ ନିର୍ବାଚିତ ହୋଇଥିଲେ। ପରେ ସେ ଜନତା ଦଳ ଛାଡି ଜନତା ଦଳ (ପ୍ରଗତିଶୀଳ ) ନାମକ ଏକ ରାଜନୈତିକ ଦଳ ଗଠନ କରିଥିଲେ ।