ହାଇଦ୍ରାବାଦ: ଆନ୍ଧ୍ରପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀଙ୍କ ପରଲୋକ । 88 ବର୍ଷ ବୟସରେ ଆଖି ବୁଜିଲେ କୋନିଜେତି ରୋସାଇଆ । ସେ 3 ସେପ୍ଟେମ୍ବର 2009 ରୁ ନଭେମ୍ବର 24, 2010 ପର୍ଯ୍ୟନ୍ତ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଭାବରେ ଦାୟିତ୍ବ ତୁଲାଇଥିଲେ । ସେ ଦୁଇମାସ ପାଇଁ କର୍ଣ୍ଣାଟକର ରାଜ୍ୟପାଳ ଏବଂ 2011 ରୁ 2016 ପର୍ଯ୍ୟନ୍ତ ତାମିଲନାଡୁର ରାଜ୍ୟପାଳ ଭାବରେ ଦାୟିତ୍ବ ତୁଲାଇଥିଲେ। ଦୀର୍ଘ ରାଜନୈତିକ କ୍ୟାରିୟରରେ ରୋସାଇଆ ଅନେକ ଥର କଂଗ୍ରେସ MLC, MLA ଏବଂ MP ହୋଇଛନ୍ତି । ସେ ବିଧାନସଭାରେ 15 ଟି ବଜେଟ ଉପସ୍ଥାପନ କରି ଏକ ରେକର୍ଡ ମଧ୍ୟ କରିଥିଲେ।
ସୂତ୍ରରୁ ପ୍ରକାଶ ଯେ, ସ୍ନାୟୂ ଚଳାଚଳ ଠିକ ଭାବରେ ନ ହେବାରୁ ରୋସାଇଆଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।