ପାଟନା:ବିହାରର ପଶ୍ଚିମ ଚମ୍ପାରଣ ଅଞ୍ଚଳରେ ଆତଙ୍କ ଖେଳାଇଛି ଏକ ମଣିଷଖିଆ ବାଘ (forest dept failed to tranquilize tiger in bihar )। ବିଗତ ଦିନରେ ଏଠାରେ ବାଘ ଆକ୍ରମଣରେ ଜଣେ ଚାଷୀଙ୍କ ମୃତ୍ୟୁ ହୋଇଥିଲା । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଯାଇଥିବା ବେଳେ ବାଘକୁ ଧରିବାରୁ ସମସ୍ତ ପ୍ରୟାସ ଫେଲ୍ ମାରିଛି । ବାଲ୍ମିକୀ ଟାଇଗର ରିଜର୍ଭରେ ଏହି ମଣିଷଖିଆ ବାଘକୁ ଟ୍ରାଙ୍କୁଲାଇଜ୍ କରିବା ପାଇଁ ପ୍ରୟାସ କରାଯାଇଥିଲା । ତେବେ ଚିଉଟାହା ବନାଞ୍ଚଳରେ ହରିପୁର ଗ୍ରାମରେ ବାଘ ଲୁଚି ଯାଇଥିବା ଜଣା ପଡ଼ିଛି ।
ଗୁରୁବାର ବାଘକୁ ଧରିବା ପାଇଁ ଜାଲ ବିଛାଇ ଥିଲା ବନ ବିଭାଗ । କିନ୍ତୁ ବନ କର୍ମଚାରୀଙ୍କୁ ଚକ୍ମା ଦେଇ ଏକ ଛେଳିକୁ ନେଇ ଯାଇଥିଲା ବାଘ । ଯାହାକୁ ବାଘକୁ ଲୋଭାନ୍ବିତ କରିବା ପାଇଁ ରଖିଥିଲା ବନବିଭାଗ । ଏହାପୂର୍ବରୁ ଏକ ଗୋଟିଏ ମଇଁଶି ଓ ଛେଳିକୁ ଏକ ପିଞ୍ଜରା ରଖିଥିଲା ବନ ବିଭାଗ । କିନ୍ତୁ ବାଘ ପିଞ୍ଜରା ପାଖକୁ ହିଁ ଆସିନଥିଲା । ବନ ବିଭାଗ ନିରାଶ ହୋଇଥିବା ବେଳେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ରହିଛି ।