ବାଟରେ ଛକିଥିଲା ମୃତ୍ୟୁ ! ବିଦ୍ୟୁତ୍‌ ସଂସ୍ପର୍ଶରେ ଆସି 5 ଶ୍ରମିକ ଜୀବନ୍ତ ଦଗ୍ଧ

ଆନ୍ଧ୍ରପ୍ରଦେଶରେ ଦୁଃଖଦ ଘଟଣା, ଅଟୋରେ ଯାଉଥିବା କରୁଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସିବାରୁ ୫ ଜୀବନ୍ତ ଦଗ୍ଧ । ଅଧିକ ପଢନ୍ତୁ

ଅମରାବତୀ: ଆନ୍ଧ୍ରପ୍ରଦେଶରେ ଦୁଃଖଦ ଘଟଣା । ବିଦ୍ୟୁତ ତାର ସଂସ୍ପର୍ଶରେ ଆସି ୫ ଜୀବନ୍ତ ଦଗ୍ଧ । ସତ୍ୟସାଇ ଜିଲ୍ଲାର ତାଡିମାରି ମାଣ୍ଡାଲର ଚିଲାକୋଣ୍ଡାୟାପାଲିରେ ଘଟିଛି ଏହି ଦୁଃଖଦ ଘଟଣା । ଏକ ଅଟୋରେ ଚାଷ କାମରେ ନିୟୋଜିତ ହେବାକୁ ଯାଉଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସିବାରୁ ୫ଜଣଙ୍କର ମୃତ୍ୟୁ ହୋଇଥିବା ବେଳେ ୮ଜଣ ଗୁରୁତର ଆହତ ହୋଇଛନ୍ତି ।

ସୂଚନା ଅନୁଯାୟୀ, ଆଜି ସକାଳ ସମୟରେ ୧୩ ଜଣ ଶ୍ରମିକ ଗୁଦାମପାଲୀରୁ ଚିଲାକୋଣ୍ଡାୟାପାଲି ଯାତ୍ରା କରୁଥିଲେ । ଏହି ସମୟରେ ହଠାତ ଅଟୋଟି ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ । ଏନେଇ ଖବର ପାଇଁ ଘଟଣାସ୍ଥଳରେ ପୋଲିସ ପହଞ୍ଚି ଆହତଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । ସମସ୍ତ ମୃତକ ମହିଳା ହୋଇଥିବା ଜଣାପଡିଛି ।