ନୂଆଦିଲ୍ଲୀ : ଭାରତୀୟ ସେନାରେ ସାମିଲ ହେଲା ପ୍ରଥମ ମହିଳା ସୈନିକ ବ୍ୟାଚ । ମିଲିଟାରୀ ପୋଲିସ ସେଣ୍ଟର ଓ ସ୍କୁଲରୁ ଉତ୍ତୀର୍ଣ୍ଣ ହୋଇଥିବା 83 ମହିଳା ସୈନିକଙ୍କୁ ଭାରତୀୟ ସେନାରେ ସାମିଲ କରାଯାଇଛି । ଆଜି (ଶନିବାର)ବେଙ୍ଗାଲୁରୁସ୍ଥିତ ଦ୍ରୋଣାଚାର୍ଯ୍ୟ ପରେଡ ଗ୍ରାଉଣ୍ଡରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ସେମାନଙ୍କୁ ବିଧିବଦ୍ଧ ଭାବେ ସେନାରେ ସାମିଲ କରାଯାଇଛି ।
ଆଜି ପରେଡ ଗ୍ରାଉଣ୍ଡରେ ଅନୁଷ୍ଠିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ କୋଭିଡ ପ୍ରୋଟୋକଲ ଅନୁପାଳନ ପୂର୍ବକ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ସିଏମପି ସେଣ୍ଟରର କମାଣ୍ତାଣ୍ଟ ପରେଡରେ ଅଭିବାଦନ ଗ୍ରହଣ କରିବା ସହ ସେନାରେ ସାମିଲ ହେବାକୁ ଥିବା ମହିଳା ସୈନିକଙ୍କୁ ଅଭିନନ୍ଦନ ଜଣାଇଥିଲେ । 61 ସପ୍ତାହର ପ୍ରଶିକ୍ଷଣ ପରେ ମହିଳାଙ୍କୁ ସେନାରେ ଭର୍ତ୍ତି ହେବା ନେଇ ସମ୍ପୂର୍ଣ୍ଣ ପ୍ରସ୍ତୁତ କରାଯାଉଥିଲା । ସେନା ପାଇଁ ଆବଶ୍ଯକ ହେଉଥିବା ସମ୍ପୂର୍ଣ୍ଣ ଯୋଗ୍ୟତା ହାସଲ କରିଛନ୍ତି ଏହି ମହିଳା ଯୋଦ୍ଧାମାନେ ।