ଲକ୍ଷ୍ନୌ ପ୍ରସିଦ୍ଧ ବିରିୟାନୀ ରେସ୍ତୋରାଁରେ ଅଗ୍ନିକାଣ୍ଡ, ଜଣେ ଜୀବନ୍ତ ଦଗ୍ଧ

ହୋଟେଲରେ ଅଗ୍ନିକାଣ୍ଡ । ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌର ପ୍ରସିଦ୍ଧ ବିରିୟାନୀ ରେଷ୍ଟୁରାଣ୍ଟରେ ଭୟଙ୍କର ଅଗ୍ନିକାଣ୍ଡ ଘଟିଛି । ଏଥିରେ ଜଣେ ବ୍ୟକ୍ତି ଜୀବନ୍ତ ଦଗ୍ଧ ହୋଇଛନ୍ତି । ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଅଧିକ ପଢନ୍ତୁ

ଲକ୍ଷ୍ନୌ:ହୋଟେଲରେ ଅଗ୍ନିକାଣ୍ଡ ।ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌ ଚାରବାଗ ସ୍ଥିତ ଏକ ପ୍ରସିଦ୍ଧ ବିରିୟାନୀ ରେସ୍ତୋରାଁରେ ଭୟଙ୍କର ଅଗ୍ନିକାଣ୍ଡ ଘଟିଛି ( Fire in Biryani restaurant ) । ଏଥିରେ ଜଣେ ବ୍ୟକ୍ତି ଜୀବନ୍ତ ଦଗ୍ଧ ହୋଇଛନ୍ତି । ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଆହତ ବ୍ୟକ୍ତିଙ୍କ ଶରୀର 40 ପ୍ରତିଶତ ଜଳି ଯାଇଥିବା ସୂଚନା ମିଳିଛି । ପ୍ରାୟ ଏକ ଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା । ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ ଘଟିଛି । ପୋଲିସ ଘଟଣାର ତଦନ୍ତ ଜାରି ରଖିଛି ।

ଘଟଣାକୁ ନେଇ ଏଡିସିପି ରାଜେ ଶ୍ରୀବାସ୍ତବ କହିଛନ୍ତି, ''ଚାରବାଗରେ ଏକ କବୀର ହୋଟେଲ ଅଛି । ସ୍ବାଦିଷ୍ଟ ବିରିୟାନୀ ପାଇଁ ହୋଟଲେ ଟି ଜଣାଶୁଣା । ହୋଟଲରେ ଅଚାନକ ନିଆଁ ଲାଗି ଯାଇଥିଲା । ଅଘଟଣ ନେଇ ଅଞ୍ଚଳରେ ହଇଚଇ ସୃଷ୍ଟି ହୋଇଯାଇଥିଲା । ନିଆଁକୁ ଆୟତ୍ତ କରିବାକୁ ପ୍ରୟାସ ଆରମ୍ଭ ହୋଇଥିଲା । ଅଗ୍ନିଶମ ବାହିନୀକୁ ଖବର ଦିଆଯାଇଥିଲା ଏହା ପରେ ଏକଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା । ନାସିକ ନିବାସୀ ପ୍ରକାଶ ସୁଧାକରଙ୍କ ମୃତ୍ୟୁ ହୋଇଛି । ଅନ୍ୟଜଣେ ବ୍ୟକ୍ତି 40 ପ୍ରତିଶତ ଜଳି ଯାଇଛନ୍ତି । ତାଙ୍କ ଚିକିତ୍ସା ଜାରି ରହିଛି ।''

ବାହାଘର ପାଇଁ ଆସିଥିଲେ ଲୋକ...ସୂଚନାଅନୁସାରେ ମୃତକ ସୁଧାକର ତାଙ୍କ ସାଥୀଙ୍କ ସହ ପ୍ରତାପଗଡରେ ଏକ ବିବାହରେ ଯୋଗ ଦେବାକୁ ଆସିଥିଲେ । ଗୁରୁବାର ବିବାହ ଉତ୍ସବରୁ ଫେରିବା ପରେ ଚାରବାଗ ସ୍ଥିତ ହୋଟେଲରେ ରହିଥିଲେ । ବାକି ସାଥୀ ଅନ୍ୟ ଏକ ହୋଟେଲରେ ରହିଥିଲେ । ଏହି ଦୁଇ ସାଙ୍ଗ ବିରିୟାନୀ ଖାଇବାକୁ ଆସିଥିଲେ । ଶୁକ୍ରବାର ଟ୍ରେନ ଯୋଗେ ଘରକୁ ଫେରିବା ନେଇ ସୂଚନା ମିଳିଛି ହେଲେ କିଏ ଜାଣିଥିବା ଆଉ କେବେ ଘରକୁ ଫେରି ପାରିବେ ନାହିଁ ସୁଧାକର ।

ଲଗାତାର ଗ୍ୟାସ ଲିକ ହେଉଥିଲା...ପାଖ ଲୋକ କହିଛନ୍ତି କି କିଛି ଦିନ ହେବ ଗ୍ୟାସ ଲିକ ହେଉଥିଲା । ଏ ନେଇ ପାଖ ଦୋକାନୀ ଅଭିଯୋଗ କରିଥିଲେ । ତାଙ୍କୁ ଚୁପ କରି ଦିଆଯାଉଥିଲା । ଅଘଟଣ ନେଇ ଚେତାବନୀ ଦେଇଥିଲେ ହେଲେ କୌଣସି ପଦକ୍ଷେପ ନେଇ ନଥିଲେ ହୋଟେଲ ମାଲିକ ।

ଏଣ୍ଟ୍ରିରେ ଥିଲା ରୋଷେଇ ଘର...ସୂଚନା ଅନୁସାରେ ରେସ୍ତୋରାଁର ରୋଷେଇ ଘର ବାହାରେ ଥିଲା । ଭିତରେ ଲୋକ ଖାଆନ୍ତି । ଗ୍ୟାସ ସିଲିଣ୍ଡର ଫାଟିବାକୁ ଅଗ୍ନିକାଣ୍ଡ ହୋଇଛି ଫଳରେ ସେମାନେ ବାହାରକୁ ଆସି ପାରିଲେ ନାହିଁ ।