ନୂଆଦିଲ୍ଲୀ: ଶନିବାର ବିଳମ୍ବିତ ରାତିରେ ଦିଲ୍ଲୀର ଶାସ୍ତ୍ରୀ ପାର୍କରେ ଥିବା ଏକ ଫର୍ଣ୍ଣିଚର ବଜାରରେ ଭୟାବହ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ଫସି ରହିଥିବା 8ଜଣଙ୍କୁ ଉଦ୍ଧାର କରିଛି ଅଗ୍ନିଶମ ବିଭାଗ ।
ଅଗ୍ନିଶମ ସେବା ବିଭାଗରୁ ସହକାରୀ ଅଧିକାରୀ ରାଜେଶ ଶୁକ୍ଲାଙ୍କ ସୂଚନାଅନୁସାରେ, ସମୟ ପ୍ରାୟ ରାତି 12ଟା 45 ପାଖାପାଖି ଶାସ୍ତ୍ରୀ ପାର୍କରେ ଥିବା ଫର୍ଣ୍ଣିଚର ବଜାରରେ ଏହି ଅଗ୍ନିକାଣ୍ଡ ଘଟିଛି । ଖବର ପାଇବା ମାତ୍ରେ ଘଟଣାସ୍ଥଳରେ 32ଟି ଅଗ୍ନିଶମ ବାହିନୀ ନିଆଁକୁ ନିୟନ୍ତ୍ରଣ କରିଥିଲେ । ଅଗ୍ନିକାଣ୍ଡରେ ଫସିଥିବା 8ଜଣ ଲୋକଙ୍କୁ ଉଦ୍ଧାର କରାଯାଇଛି ।