ବେଙ୍ଗାଲୁରୁ: କେମିକାଲ କାରଖାନାରେ ଭୟାବହ ଅଗ୍ନିକାଣ୍ଡ । ବେଙ୍ଗାଲୁରୁର ବାପୁଜୀ ନଗରରେ ଥିବା ଏକ କେମିକାଲ କାରଖାନାରେ ମଙ୍ଗଳବାର ଭୟାନକ ଅଗ୍ନିକାଣ୍ଡ ଘଟିଛି । ଅଗ୍ନିଶମ ବାହିନୀ ଓ ବ୍ୟାତରାୟାଣପୁର ପୋଲିସ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବାକୁ ଚେଷ୍ଟା କରୁଛନ୍ତି ।
ସୂଚନା ଅନୁଯାୟୀ, ହୋସାଗୁଡାଦାହାଲିରେ ଥିବା ଏହି କେମିକାଲ କାରଖାନା ମଙ୍ଗଳବାର କୌଣସି କାରଣରୁ ନିଆଁ ଲାଗିଯାଇଛି । ଏହି ଅଗ୍ନିକାଣ୍ଡର ପ୍ରକୋପ ଏତେ ଅଧିକ ରହିଛି ଯେ କାରଖାନାରେ ନିକଟରେ ଥିବା ଯାନବାହନଗୁଡିକ ମଧ୍ୟ ନିଆଁରେ ପୋଡି ଯାଇଛି । କାରଖାନା ଚାରିପାଖେ ଥିବା ଘରଗୁଡିକୁ ମଧ୍ୟ ଏହି ନିଆଁ ଧିରେ ଧିରେ ବ୍ୟାପିବାରେ ଲାଗିଛି । ପାଖରେ ଉପସ୍ଥିତ ଲୋକଙ୍କୁ ପୋଲିସ ସ୍ଥାନାନ୍ତରିତ କରୁଛି । ଅଗ୍ନିଶମ ବାହିନୀ ଓ ପୋଲିସ ନିଆଁକୁ ଆୟତ କରିବାକୁ ଚେଷ୍ଟା କରୁଥିଲେ ମଧ୍ୟ ଏହାକୁ ଆୟତ କରିବା କଷ୍ଟସାଧ୍ୟ ହୋଇପଡିଛି । ତେବେ ଅଗ୍ନିକାଣ୍ଡର କାରଣ ଏ ଯାଏଁ ଅସ୍ପଷ୍ଟ ରହିଛି ।
