ଚେନ୍ନାଇ: ତାମିଲନାଡୁର ଭିରୁଦ୍ଧୁନଗରରେ ବେଆଇନ ବାଣ କାରଖାନାରେ ଭୟଙ୍କର ବିସ୍ଫୋରଣରୁ ଅଗ୍ନିକାଣ୍ଡ । ଏଥିରେ 2 ଜଣ ମୃତ୍ୟୁ ବରଣ କରିଥିବା ବେଳେ 3 ଜଣ ଆହତ ହୋଇଛନ୍ତି । ଥାଲପାଟୀ ଆର୍ଟିଷ୍ଟ କଲୋନୀର ଜଣେ 25 ବର୍ଷିୟ ଯୁବକ ତାଙ୍କ ଘରେ ବେଆଇନ ବାଣ ତିଆରି କରୁଥିଲେ । ହଠାତ୍ ବାଣ ଗୁଡିକ ବିସ୍ଫୋରଣ ହେବାରୁ ଅଗ୍ନିକାଣ୍ଡ ଘଟିଥିଲା ।
ବେଆଇନ ବାଣ କାରଖାନାରେ ଭୟଙ୍କର ବିସ୍ଫୋରଣ, 2ମୃତ, 3 ଆହତ ଏହି ଘଟଣାରେ 3ଟି ଘର ପୋଡି ପାଉଁଶ ହୋଇଯାଇଥିବା ଜଣାପଡିଛି । ମୃତ 2 ବ୍ୟକ୍ତି ହେଉଛନ୍ତି ସେଲଭାମଣି ଓ କରପାଗମ୍ । ଏବଂ ଆହତ ମାନେ ହେଉଛନ୍ତି ସୁରିଆ, ପ୍ରଭାକର, ଅନ୍ନାବକିୟମ୍ । ଏହି ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ କର୍ମଚାରୀ ନିଆଁ ଲିଭା କାର୍ଯ୍ୟରେ ନିୟୋଜିତ ଅଛନ୍ତି । ଏକ ମାମଲା ରୁଜୁ କରି ଘଟଣାର ତଦନ୍ତ କରିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
