ଚେନ୍ନାଇ: ତାମିଲନାଡୁର ବିରୁଧୁନଗର ଜିଲ୍ଲାର ସିଭାକାସୀ ନିକଟ କାଲାୟାର କୁରିଚିରେ ବାଣ କାରଖାନାରେ ବିସ୍ପୋରଣ । ବିସ୍ଫୋରଣରେ 5 ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ 14 ଜଣ ଆହତ ହୋଇଛନ୍ତି। କର୍ମଚାରୀ ମାନେ ବାଣ ଉତ୍ପାଦନ କରୁଥିବା ସମୟରେ ଏହି ବିସ୍ଫୋରଣ ହୋଇଛି । ଏହି କାରଖାନାରେ ପ୍ରାୟ 200 କର୍ମଚାରୀ କାମ କରନ୍ତି ।
ବାଣ କାରଖାନାରେ ବିସ୍ଫୋରଣ, 5 ମୃତ 14 ଆହତ
ଏହି ବିସ୍ଫୋରଣରେ 13ରୁ ଅଧିକ କୋଠା ଭୁଶୁଡି ପଡିଛି । ତିନି ଜଣ ମହିଳାଙ୍କ ସମେତ 5 ଜଣଙ୍କ ମୃତଦେହ ପଡିଥିବା ଦେଖିବାକୁ ମିଳିଛି । ନିଆଁ ଲିଭାଇବା ପାଇଁ ତିରୁଥାନଗାଲ, ସିଭାକାସୀ ଏବଂ ବିରୁଧୁନଗର ଭଳି ବିଭିନ୍ନ ସ୍ଥାନରୁ 5 ଟି ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚିଥିଲେ। ଶିବକାସିର ଏକ ସରକାରୀ ଡାକ୍ତରଖାନାରେ ଭର୍ତ୍ତି ହୋଇଥିବା କିଛି ଆହତଙ୍କ ଅବସ୍ଥା ଗୁରୁତର ରହିଛି ।