ପାଟନା: ବିହାର ପ୍ରଦେଶ କଂଗ୍ରେସ କମିଟିରେ ଚାଲିଥିବା ବୈଠକବେଳେ ଦେଖିବାକୁ ମିଳିଛି ଅଭାବନୀୟ କାଣ୍ଡ । ଦଳୀୟ ଅନ୍ତଃକନ୍ଦଳର ଭୟାବହ ପରିସ୍ଥିତି ଦେଖିବାକୁ ମିଳିଛି ଉକ୍ତ ବୈଠକରେ । ବିହାର ପ୍ରଦେଶ କଂଗ୍ରେସ କମିଟି ନବନିଯୁକ୍ତ ପ୍ରଭାରୀ ଭକ୍ତ ଚରଣ ଦାସଙ୍କ ଉପସ୍ଥିତିରେ ଏପରି ଉତ୍ତେଜନାପୂର୍ଣ୍ଣ ସ୍ଥିତି ଦେଖିବାକୁ ମିଳିଛି । ହାତାହାତି ହୋଇଛନ୍ତି ଦୁଇ ଗୋଷ୍ଠୀର କର୍ମୀ । ଦଳୀୟ ଟିକେଟ ବଣ୍ଟନ ଓ ପ୍ରଭାରୀ ନିଯୁକ୍ତିକୁ ନେଇ ଏପରି ପରିସ୍ଥିତି ସୃଷ୍ଟି ହୋଇଥିବା ଜଣାପଡିଛି ।
ବିହାର କଂଗ୍ରେସ କମିଟି ବୈଠକରେ ଦୁଇ ଗୋଷ୍ଠି ମୁହାଁମୁ
ଗତ କିଛି ଦିନ ତଳେ ବିହାର କଂଗ୍ରେସ ପ୍ରଭାରୀ ଭାବେ ଦାୟିତ୍ବ ନେଇଥିଲେ ଦଳର ବରିଷ୍ଠ ନେତା ଭକ୍ତ ଚରଣ ଦାସ । ପ୍ରଭାରୀ ଭାବେ ଦାୟିତ୍ବ ନେବା ପରେ ଏହା ତାଙ୍କର ପ୍ରଥମ ଦଳୀୟ ବୈଠକ ଥିଲା । ଏହି ବୈଠକ ଆରମ୍ଭ ହେବା ପରେ ଦଳର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଆରମ୍ଭ ହୋଇଯାଇଥିଲା ।