ରାୟପୁର: ଛତିଶଗଡ ପୋଲିସ ସେବାରେ କନେଷ୍ଟବଳ ଭାବେ ନିଯୁକ୍ତି ପାଇଲେ 15 ଟ୍ରାନ୍ସଜେଣ୍ଡର । ରାଜ୍ୟ ପୋଲିସ ବିଭାଗର ନିଯୁକ୍ତି ପରୀକ୍ଷାର ଶେଷ ଫଳାଫଳରେ 15 ଜଣ ତୃତୀୟ ଲିଙ୍ଗ ପ୍ରାର୍ଥୀ ଚୟନ କରାଯାଇଥିବା ଜଣାପଡିଛି । ରାଜ୍ୟର ବିଭିନ୍ନ ସ୍ଥାନରୁ ଏହି ସମସ୍ତ ତୃତୀୟ ଲିଙ୍ଗ ପ୍ରାର୍ଥୀ ସଫଳତାର ସହ ନିଯୁକ୍ତି ପାଇଁ ଚୟନ ହୋଇଥିବା ସୂଚନା ରହିଛି । ଏନେଇ ବେଶ ଖୁସି ପ୍ରକାଶ କରିଛନ୍ତି ନିଯୁକ୍ତି ପାଇଥିବା ତୃତୀୟ ଲିଙ୍ଗର ପ୍ରାର୍ଥୀ ।
ଛତିଶଗଡ ପୋଲିସରେ ଭର୍ତ୍ତି ହେଲେ 15 ତୃତୀୟ ଲିଙ୍ଗ ପ୍ରାର୍ଥୀ
ମିତଓ୍ବା ଗ୍ରୁପ୍ ନିର୍ଦ୍ଦେଶକ ବିଦ୍ୟା ରାଜପୁତ କହିଛନ୍ତି ଯେ ପୋଲିସ୍ ନିଯୁକ୍ତିରେ ଅଂଶଗ୍ରହଣକାରୀମାନେ ଭାରତ ଏବଂ ବିଶ୍ବକୁ ଏକ ଭିନ୍ନ ବାର୍ତ୍ତା ପ୍ରଦାନ କରିଛନ୍ତି । ସେମାନେ କୌଣସି କାର୍ଯ୍ୟରେ ପୁରୁଷ ଓ ମହିଳାଙ୍କ ଠାରୁ କମ ନୁହନ୍ତି ଓ ସେମାନଙ୍କ ଦକ୍ଷତା ବଳରେ ସେମାନେ ମଧ୍ୟ ସଫଳତା ହାସଲ କରି ପାରିବେ ବୋଲି ମଧ୍ୟ ସେ କହିଥିବା ଦେଖିବାକୁ ମିଳିଛି ।