ନୂଆଦିଲ୍ଲୀ: ଚକାଜାମ ପରେ ଏବେ ରେଳ ରୋକ କରିବେ ଚାଷୀ । ଫେବୃଆରୀ 18 ରେ କୃଷକମାନେ ସାରା ଦେଶରେ ରେଳ ରୋକ କରିବେ ବୋଲି ସୂଚନା ଦେଇଛନ୍ତି । ଏହି ସମୟରେ ରାଜସ୍ଥାନ ମଧ୍ୟ ଟୋଲ୍ ଫ୍ରି କରାଯିବା ନେଇ ମଧ୍ୟ କୃଷକ ସଂଗଠନ ମାନଙ୍କ ପକ୍ଷରୁ ସୂଚନା ମିଳିଛି । ସିଙ୍ଗୁ ସୀମାରେ ଧାରଣାରତ ଥିବା ସଂଯୁକ୍ତ କିସାନ୍ ମୋର୍ଚ୍ଚାର ବୈଠକରେ ନିଷ୍ପତ୍ତି ନିଆଯାଇଥିବା ଜଣା ପଡିଛି ।
ହେବାକୁଥିବା ରେଳରୋକର ରୂପରେଖ ଅନୁସାରେ ଫେବୃଆରୀ 18 ରେ ମଧ୍ୟାହ୍ନ 12 ଟାରୁ 4 ଟା ପର୍ଯ୍ୟନ୍ତ ସାରା ଦେଶରେ ରେଳରୋକ କାର୍ଯ୍ୟକ୍ରମ ଅନୁଷ୍ଠିତ ହେବ । ସେହିପରି ଫେବୃଆରୀ 14 ରେ ପୁଲୱାମାର ସହିଦ ତଥା କୃଷକ ଆନ୍ଦୋଳନରେ ପ୍ରାଣ ହରାଇଥିବା ବ୍ୟକ୍ତିଙ୍କ ପାଇଁ ଏକ ମଶାଲ ଶୋଭାଯାତ୍ରା ମଧ୍ୟ ବାହାର କରିବ କୃଷକ ସଂଗଠନ ।