ପାଟନା:ରେଳ ବିଭାଗର ପିଛା ଛାଡ଼ୁନି ଅଘଟଣ । ବାରମ୍ବାର ଟ୍ରେନରେ ଦୁର୍ଘଟଣା ସାମ୍ନାକୁ ଆସୁଥିବା ବେଳେ ଏବେ ପୁଣି ଥରେ ଅଘଟଣା ଦେଖିବାକୁ ମିଳିଛି । ତେବେ ବିହାରର ସମାସ୍ତିପୁରରେ ଟ୍ରନରେ ବିସ୍ଫୋରଣ ଘଟିଛି । ଭାଗଲପୁର-ଜୟନଗର ଇଣ୍ଟରସିଟି ଏକ୍ସପ୍ରେସରେ ( bhagalpur jaynagar intercity express) ବିସ୍ଫୋରଣ ଭଳି ପରିସ୍ଥିତି ସୃଷ୍ଟି ହୋଇଛି । ଏହି ଘଟଣା ଦିନ ପ୍ରାୟ 1ଟା 30 ମିନିଟିରେ ଘଟିଥିବା ବେଳେ ଏଥିରେ ତିନି ଜଣ ଆହତ ହୋଇଛନ୍ତି । ବିସ୍ଫୋରଣ କାରଣରୁ ଟ୍ରେନ ବଗିରେ ନିଆଁ ଏବଂ ଧୂଆଁ ଦେଖିବାକୁ ମିଳିଥିଲା । ଏହି ଘଟଣାରେ ମାଆ ଓ ପୁଅ ଜଳି ଯାଇଥିବା ବେଳେ ଯାତ୍ରୀମାନଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିଲା । ଆହତ ମହିଳାଙ୍କୁ ଚିକିତ୍ସା ପାଇଁ ଦାରୁବଙ୍ଗା ରେଲୱେ ହସ୍ପିଟାଲରେ ଭର୍ତ୍ତି କରାଯାଇଛି ।
ତେବେ ଏହି ବିସ୍ଫୋରଣରେ ଆହତ ହୋଇଥିବା ବ୍ୟକ୍ତିମାନ ହେଉଛନ୍ତି ରେନା ଦେବୀ, ଗୌରବ ଝା ଏବଂ କାମତା ପ୍ରସାଦ । ଦାରୁବଙ୍ଗା ଜିଲ୍ଲାର ସିଂହୱାଡା ପୋଲିସ ଷ୍ଟେସନ ଅଞ୍ଚଳର ମାଣିକୋର ଗାଁର ବାସିନ୍ଦା ରେନା ଦେବୀ ତାଙ୍କ ପୁତୁରା ଗୌରବ ଝାଙ୍କ ସହ ସୁଲତାନଗଞ୍ଜରୁ ଟ୍ରେନରେ ଚଢ଼ିଥିଲା । ସମାସ୍ତିପୁର ଷ୍ଟେସନରେ ପହଞ୍ଚିବା ପୂର୍ବରୁ ଆଉଟର ସିଗନାଲରେ ମହିଳା ଯାତ୍ରୀଙ୍କ ସିଟ୍ ତଳେ ରଖାଯାଇଥିବା ବ୍ୟାଗରେ ଏକ ବିସ୍ଫୋରଣ ଘଟିଥିଲା । ଏହି ବିସ୍ଫୋରଣରେ ତିନି ଜଣ ଆହତ ହୋଇଛନ୍ତି ।
ଏହା ମଧ୍ୟ ପଢ଼ନ୍ତୁ.......ପୁରୀ ରେଲୱେ ଷ୍ଟେସନ କୋଚିଂ ଡିପୋରେ ଅଗ୍ନିକାଣ୍ଡ, ଅଳ୍ପକେ ବର୍ତ୍ତିଲେ ଯାତ୍ରୀ