ହାଇଦ୍ରାବାଦ: ନକ୍ସଲ ପୋଲିସଙ୍କ ମଧ୍ୟରେ ଗୁଳି ବିନିମୟ । ଆଜି ସକାଳୁ ତେଲେଙ୍ଗାନା ମୁଗୁଲ ଜିଲ୍ଲା ଭେଙ୍କଟପୁରମ ଜୋନ କାରେଗୁଟା ବନାଞ୍ଚଳରେ ନକ୍ସଲ ଓ ପୋଲିସଙ୍କ ମଧ୍ୟରେ ଗୁଳି ବିନିମୟ ହୋଇଥିଲା (Exchange of fire between Maoists and police ) । ଏଥିରେ ଦୁଇ ନକ୍ସଲଙ୍କୁ ନିପାତ କରିଛି ପୋଲିସ । ଘଟଣାରେ ଜଣେ କନଷ୍ଟେବଳ ଆହତ ହୋଇଥିବା ସୂଚନା ମିଳିଛି ।
ସୂଚନା ଅନୁସାରେ ଆଜି ଗ୍ରେହଣ୍ଡ ଫୋର୍ସ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଥିଲା । ଦୁଇ ନକ୍ସଲଙ୍କୁ ନିପାତ କରିବାରେ ସଫଳ ହୋଇଛି ଟିମ । ଏହାସହ ଜଣେ କନଷ୍ଟେବଳ ଆହତ ହୋଇଛନ୍ତି । ତାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ଅଞ୍ଚଳକୁ କର୍ଡନ କରି ସର୍ଚ୍ଚ ଅପରେସନକୁ ବ୍ୟାପକ କରାଯାଇଥିବା ସ୍ଥାନୀୟ ପୋଲିସ ପକ୍ଷରୁ ସୂଚନା ମିଳିଛି ।