ଶ୍ରୀନଗର: ପୁଣି ସୀମାରେ ଫୁଟିଲା ଗୁଳି । ଆତଙ୍କୀଙ୍କୁ ନିପାତ କରିବା ପାଇଁ ଜମ୍ମୁ କାଶ୍ମୀରର କୁଲଗାମରେ ସୁରକ୍ଷାକର୍ମୀଙ୍କ ପକ୍ଷରୁ ଏନକାଉଣ୍ଟର କରାଯାଇଛି । ଏଥିରେ ଜଣେ ଆତଙ୍କବାଦୀ ମୃତ୍ୟୁ ଘଟିଥିବା ଜଣାପଡିଛି । ପୋଲିସ ଓ ସୁରକ୍ଷା କର୍ମୀଙ୍କ ମିଳିତ ଉଦ୍ୟମରେ କୁମ୍ବିଂକୁ ଜାରି ରହିଛି । କୁଲଗାମର ମୁନାଣ୍ତ ଅଞ୍ଚଳରେ ଆତଙ୍କବାଦୀ ଲୁଚି ରହିଥିବା ନେଇ ଖବର ପାଇଥିଲେ । ପରେ ସୁରକ୍ଷା କର୍ମୀଙ୍କ ପକ୍ଷରୁ ଆରମ୍ଭ ହୋଇଥିଲା ଅପରେସନ ।
ପୁରା ଅଞ୍ଚଳକୁ ଘେରାବନ୍ଦୀ କରି ସୁରକ୍ଷା କର୍ମୀ ଆରମ୍ଭ କରିଥିଲେ କୁମ୍ବିଂ । ପରେ ଆତଙ୍କୀଙ୍କ ପକ୍ଷରୁ ସୁରକ୍ଷା କର୍ମୀଙ୍କ ଉପରେ ଆଖିବୁଜା ଗୁଳି ବର୍ଷଣ କରାଯାଇଥିଲା । ଯାହାର ପ୍ରତି ଜବାବ ଦେଇଥିଲା ସେନା । ଏଥିରେ ଜଣେ ଆତଙ୍କୀ ଟଳି ପଡିଥିଲା ।