ଶ୍ରୀନଗର:ପୁଣି ସୀମାରେ ଗୁଳି ବିନିମୟ । ପୁଲୱାମା ଜିଲ୍ଲା ହାନଜିନ ରାଜପୁରା ଅଞ୍ଚଳରେ ଗତକାଲି ବିଳମ୍ବିତ ରାତିରୁ ଆତଙ୍କବାଦୀ ଓ ସୁରକ୍ଷାବାହିନୀଙ୍କ ମଧ୍ୟରେ ଚାଲିଥିବା ଗୁଳିବନିମୟରେ 5 ଆତଙ୍କୀ ନିହତ ହୋଇଛି । ଏନକାଉଣ୍ଟରରେ ଜଣେ ଯବାନ ଶହୀଦ ହୋଇଛନ୍ତି । ଶହୀଦ ଯବାନ ହେଲେ 44 ଆରଆରର ହାବିଲଦାର କାଶୀ କୁମାର । ଏହା ସହିତ ଲସ୍କର 5 ଆତଙ୍କବାଦୀ ନିପାତ ହୋଇଛନ୍ତି । ଅଞ୍ଚଳକୁ ଘେରାବନ୍ଦୀ କରି ଯବାନଙ୍କ ଅପରେସନ ଜାରି ରହିଛି । ଏନେଇ କାଶ୍ମୀର ଆଇଜିପି ବିଜୟ କୁମାର ସୂଚନା ଦେଇଛନ୍ତି ।
ସୂଚନା ଅନୁସାରେ ହାନଜିନ ରାଜପୁରା ଅଞ୍ଚଳରେ ପାଞ୍ଚଜଣ ଆତଙ୍କବାଦୀ ଲୁଚି ରହିଥିବା ନେଇ ଖବର ପାଇଥିଲା ପୋଲିସ । ସର୍ଚ୍ଚ ଅପରେସନ ସମୟରେ ଲୁଚି ରହିଥିବା ଆତଙ୍କୀ ପ୍ରଥମେ ସୁରକ୍ଷାବାହିନୀ ଉପରେ ଗୁଳିମାଡ କରିଥିଲା । ଏହାର ଜବାବ ଦେଇଥିଲା ଭାରତୀୟ ସେନା ଓ ଜମ୍ମୁ କାଶ୍ମୀର ପୋଲିସ ।