ଶ୍ରୀନଗର: ସୀମାରେ ଆତଙ୍କୀ ଉତ୍ପାତ । ପୁଣି ଫୁଟିଲା ଗୁଳି । ଜମ୍ମୁ କାଶ୍ମୀର ରଜୌରୀ ଦସଲ ଜଙ୍ଗଲ ଅଞ୍ଚଳରେ ଏନକାଉଣ୍ଟର ହୋଇଛି । ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିୟମ ହୋଇଛି । ଏଥିରେ ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କୀ ନିପାତ ହୋଇଥିବା ଜଣାପଡିଛି । ଏବେ ବି ଘଟଣାସ୍ଥଳରେ ଜୋରଦାର ସର୍ଚ୍ଚ ଅପରେସନ ଜାରି ରହିଥିବା ସେନା ପକ୍ଷରୁ ସୂଚନା ମିଳିଛି ।
ଜମ୍ମୁ କାଶ୍ମୀର ରଜୌରୀ ଦସଲ ଜଙ୍ଗଲ ଅଞ୍ଚଳରେ ଆତଙ୍ଗବାଦୀଙ୍କ ଗତିବିଧି ନେଇ ଗୁଇନ୍ଦା ପକ୍ଷରୁ ସୂଚନା ପାଇଥିଲା ପୋଲିସ ଓ ସୁରକ୍ଷାବଳ । ଏହାପରେ ଜମ୍ମୁ କାଶ୍ମୀର ଓ ସୁରକ୍ଷାକର୍ମୀଙ୍କ ମିଳିତ ଟିମ ସର୍ଚ୍ଚ ଅପରେସନ ଆରମ୍ଭ କରିଥିଲା । ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିୟମ ହୋଇଥିଲା । ପ୍ରାୟ 1 ଘଣ୍ଟା ଧରି ଗୁଳିବିନିମୟ ପରେ ଜଣେ ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଥିବା ସୁରକ୍ଷାବାହିନୀ । ନିପାତ ଆତଙ୍କୀର ପରିଚୟ ମିଳିନାହିଁ ।
ସ୍ଥାନୀୟ ଅଞ୍ଚଳକୁ ଘେରା ବନ୍ଦୀ କରାଯାଏ ସର୍ଚ୍ଚ ଅପରେସନ ଜାରି ରଖିଛନ୍ତି ସୁରକ୍ଷାବାହିନୀ । ସମ୍ପୂର୍ଣ୍ଣ ଅଞ୍ଚଳକୁ କର୍ଡନ କରି ଆତ୍ମଗୋପନ କରିଥିବା ଆତଙ୍କୀଙ୍କୁ ଧରିବା ପାଇଁ ଅପରେସନ ଜାରି ରହିଛି । ଏହି ଅପରେସନରେ ସେନା,ସିଆରପିଏଫ ଓ ପୋଲିସ ସାମିଲ ଥିବା ସୂଚନା ମିଳିଛି । ଏନେଇ ସେନା ଅଫିସିଆଲ ପକ୍ଷରୁ ସୂଚନା ମିଳିଛି ।