ନୂଆଦିଲ୍ଲୀ:ୟୁକ୍ରେନ ଉପରେ ଋଷର ଆକ୍ରମଣ 11ଦିନରେ ପହଞ୍ଚିଥିବାବେଳେ ଆଜି (ରବିବାର) ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଏବଂ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଟେଲିଫୋନିକ ବାର୍ତ୍ତାଳାପ ହୋଇଛି । ଦୁଇ ନେତା ଜାରି ରହିଥବା ୟୁକ୍ରେନ ସଙ୍କଟ ନେଇ 1 ଘଣ୍ଟା 45 ମିନିଟ ଆଲୋଚନା କରିଥିବା ନେଇ ଅନ୍ତର୍ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ପୂର୍ବରୁ ଫ୍ରାନ୍ସ ୟୁକ୍ରେନକୁ ସମର୍ଥନ କରିବା ସହ ପୁଟିନଙ୍କ ଆକ୍ରମଣ ନିଷ୍ପତ୍ତିକୁ ଦୃଢ ବିରୋଧ କରିଆସିଛି । ଏପରିକ ୟୁକ୍ରେନକୁ ମଧ୍ୟ ଯୁଦ୍ଧାସ୍ତ୍ର ସହ ସହାୟତା କରିବା ନେଇ ମଧ୍ୟ ଘୋଷଣା କରିଥିଲା ଫ୍ରାନ୍ସ । ଯାହାକୁ ନେଇ ଋଷ ଉଦବେଗଜନକ ଆଭିମୁଖ୍ୟ ପୋଷଣ କରି ୟୁକ୍ରେନକୁ ସହଯୋଗ କରୁଥିବା ପଶ୍ଚିମ ରାଷ୍ଟ୍ରଙ୍କୁ ପରୋକ୍ଷ ଚେତାବନୀ ମଧ୍ୟ ଦେଇଥିଲା । ତେବେ ଏପରି ସ୍ଥଳେ ଦୁଇ ରାଷ୍ଟ୍ରମୁଖ୍ୟ ଉକ୍ତ ପ୍ରସଙ୍ଗ ନେଇ ଦୀର୍ଘ ସମୟ ଧରି କଥାବାର୍ତ୍ତା କରିଛନ୍ତି ।