ପଦ୍ମ ଭୂଷଣରେ ସମ୍ମାନିତ ହେଲେ ବିଶିଷ୍ଟ ସାହିତ୍ୟିକା ପ୍ରତିଭା ରାୟ

ପଦ୍ମ ଭୂଷଣରେ ସମ୍ମାନିତ ହେଲେ ବିଶିଷ୍ଟ ସାହିତ୍ୟିକା ପ୍ରତିଭା ରାୟ । ଚାରିଆଡୁ ଶୁଭେଚ୍ଛାର ସୁଅ । ଅଧିକ ପଢନ୍ତୁ

ନୂଆଦିଲ୍ଲୀ:ପଦ୍ମଭୂଷଣରେ ସମ୍ମାନିତ ହେଲେ ଆନ୍ତର୍ଜାତୀୟ ଖ୍ୟାତିସମ୍ପନ୍ନ ଲେଖିକା ଡକ୍ଟର ପ୍ରତିଭା ରାୟ । ସେ ଆଜି ରାଷ୍ଟ୍ରପତି ଭବନରେ ଆୟୋଜିତ ସ୍ବତନ୍ତ୍ର ସମାରୋହରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଠାରୁ ଏହି ସମ୍ମାନଜନକ ପୁରସ୍କାର ଗ୍ରହଣ କରିଛନ୍ତି । ବର୍ଷ ୨୦୨୧ ପାଇଁ ସାହିତ୍ୟ ବର୍ଗରେ ପଦ୍ମ ଭୂଷଣ ପାଇଁ ମନୋନିତ ହୋଇଥିଲେ ପ୍ରତିଭା ।

ଆଜି ସେ ସମ୍ମାନିତ ହେବା ପରେ ତାଙ୍କୁ ଚାରିଆଡୁ ଶୁଭେଚ୍ଛା ସୁଅ ଛୁଟିଛି । ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ଟ୍ବିଟ କରି ପ୍ରତିଭାଙ୍କୁ ଶୁଭେଚ୍ଛା ଜଣାଇଛନ୍ତି । ନିଜ ସାରସ୍ବତ ସାହିତ୍ୟ ସାଧନା ଓ ଅନେକ ଚର୍ଚ୍ଚିତ ଲେଖା ପାଇଁ ପୂର୍ବରୁ ମଧ୍ୟ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ସମେତ ଅନେକ ପୁରସ୍କାରର ଅଧିକାରିଣୀ ହୋଇସାରିଛନ୍ତି ପ୍ରତିଭା । ତାଙ୍କ ଲିଖିତ ବହୁଚର୍ଚ୍ଚିତ ଉପନ୍ୟାସ ଯାଜ୍ଞସେନୀ ଜାତୀୟ ସ୍ତରରେ ତାଙ୍କୁ ପରିଚୟ ପ୍ରଦାନ କରିଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ