ନୂଆଦିଲ୍ଲୀ:ନିକଟରେ ଟ୍ବିଟରକୁ କିଣିଛନ୍ତି ଏଲନ ମସ୍କ(Elon Musk) । ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ଟ୍ବିଟରର ନୂଆ ମାଲିକ ହୋଇଛନ୍ତି ଟେଲସା CEO । ଏହା ପରେ ସେ ଲଗାତାର ଭାବେ ଚର୍ଚ୍ଚାକୁ ଆସୁଛନ୍ତି । ଏବେ ତାଙ୍କର ଆଉ ଏକ ନୂଆ ଟ୍ବିଟ ଚର୍ଚ୍ଚାରେ ରହିଛି । ଯେଉଁଥିରେ ସେ ସନ୍ଦିଗ୍ଧ ଅବସ୍ଥା ମୃତ୍ୟୁ ବିଷୟରେ କହିଛନ୍ତି । ତାଙ୍କର ଏହି ଟ୍ବିଟ୍ ପରେ ଲଗାତାର ଲୋକେ ପ୍ରତିକ୍ରିୟା ପ୍ରକାଶ କରିଛନ୍ତି । ମସ୍କ ଏ ଟ୍ବିଟ ପରେ ତାଙ୍କ ଜୀବନ ପ୍ରତି ବିପଦ ଅଛି ବୋଲି ଚର୍ଚ୍ଚା ହେଉଛି ।
ଏଲନ ମସ୍କ ଟ୍ବିଟରେ ଲେଖିଛନ୍ତି, ''ଯଦି ସନ୍ଦିଗ୍ଧ ଅବସ୍ଥାରେ ମୋର ମୃତ୍ୟୁ ହୁଏ, ତେବେ ଏହା ଅନେକ ସମୟ ଯାଏ nice knowin ya ହେବ । ମସ୍କଙ୍କ ଏହି ଟ୍ବିଟ୍ର ଅର୍ଥ ଅସ୍ପଷ୍ଟ ରହିଛି । ମାତ୍ର ଅନୁମାନ କରାଯାଉଛି ଯେ ଏଠାରେ ମସ୍କ nice knowin ya ଗୀତ ବିଷୟରେ କହିଛନ୍ତି । ଯେଉଁ ଗୀତ ବିଷୟରେ ମସ୍କ କହିଛନ୍ତି ତାହା ଟ୍ବେଣ୍ଟି2 ନାମକ ଫିଲ୍ମର ଯାହା 2018ରେ ଆସିଥିଲା । ମସ୍କଙ୍କ ଏହି ଟ୍ବିଟ ଟାଇମଲାଇନରେ ଆସିବା ପରେ ଭାଇରାଲ ହେବାରେ ଲାଗିଛି । ଏକ ଘଣ୍ଟାରୁ କମ ସମୟ ଭିତରେ ମସ୍କଙ୍କ ଏହି ଟ୍ବିଟକୁ 33 ହଜାରରୁ ଅଧିକ ଲୋକ ଟ୍ବିଟ କରି ସାରିଛନ୍ତି ।