ଓ୍ବାଶିଂଟନ:ଆମେରିକା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରୁ ପ୍ରତିବନ୍ଧକ ପ୍ରତ୍ୟାହାର କରିପାରେ ଟ୍ବିଟର । ଏନେଇ ଗତକାଲି (ମଙ୍ଗଳବାର) ଟେସଲା CEO ତଥା ଟ୍ବିଟରର ନୂତନ ମାଲିକାନା ଗ୍ରହଣ କରିଥିବା ଏଲନ ମସ୍କ ସୂଚନା ଦେଇଛନ୍ତି । କୌଣସି କାରଣ ପାଇଁ କେହି ବ୍ୟବହାରୀଙ୍କ ଉପରେ ସ୍ଥାୟୀ ପ୍ରତିବନ୍ଧକ ଯଥାର୍ଥ ନୁହେଁ ବୋଲି ମସ୍କ କହିଥିଲେ । ତେବେ ମସ୍କଙ୍କ ଏହି ମନ୍ତବ୍ୟକୁ ଟ୍ବିଟରର ସହ ପ୍ରତିଷ୍ଠାତା ଜ୍ୟାକ ଦର୍ଶୀ ମଧ୍ୟ ସହମତ ହୋଇଥବା ଏକ ଟ୍ବିଟ ଯୋଗେ ସୂଚନା ଦେଇଛନ୍ତି ।
ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ଟ୍ବିଟରର ମାଲିକାନା ହାତେଇବା ପାଇଁ ମସ୍କ ପ୍ରାୟ 44 ବିଲିୟନ ଆମେରିକୀୟ ଡଲାର ଖର୍ଚ୍ଚ କରିଛନ୍ତି । ତେବେ ମସ୍କ ଟ୍ବିଟରରେ କିଛି ଫିଚର ଓ ପୂର୍ବ ସର୍ତ୍ତାବଳୀ ମଧ୍ୟ କୋହଳ କରିପାରନ୍ତି ବୋଲି ଚର୍ଚ୍ଚା ଲାଗିରହିଛି । ସେପରି କିଛି ବୈଷୟିକ ପରିବର୍ତ୍ତନ ଏବେ ସୁଦ୍ଧା ଟ୍ବିଟରରେ ଦେଖିବାକୁ ମିଳିନଥିବା ବେଳେ ସ୍ଥାୟୀ ପ୍ରତିବନ୍ଧକ ଉପରେ ମସ୍କ ସାମନ୍ୟ କୋହଳ ଆଭିମୁଖ୍ୟ ପୋଷଣ କରିଥିବା ଦେଖିବାକୁ ମିଳିଛି ।